Në jetë, takojmë njerëz, qëllimet e të cilave janë të vështira për t’u deshifruar. Një fytyrë serioze mund të fshehë një zemër të mirë, ndërsa një fytyrë e lumtur mund të krijojë shumë zhgënjime. Në botën e sotme, vrazhdësia është bërë një tipar i përbashkët i shumë njerëzve.
Ajo është bërë tendenca e re për të qenë qëllimisht i vrazhdë për njerëzit. Ne nuk interesohemi shumë për botën përreth ose ndoshta thjesht nuk duam të paraqitemi si të prekshëm për të tjerët.
Këtu janë 4 mënyra përmes të cilave ju mund të shmangni njerëzit që nuk ju respektojnë:
- Një buzëqeshje shkon shumë larg
Kur dikush është i pasjellshëm me ju, shpesh ndiheni të zemëruar dhe doni t’ia ktheni me të njëjtën monedhë. Është një përgjigje automatike, por sot mund të mësoni ta kontrolloni atë, sepse do të jetë e vlefshme në afat të gjatë. Nga ky moment, mësoni të përdorni një buzëqeshje.
Buzëqeshja juaj i çarmatos pa mëshirë. Mësoni të jeni të qetë në rast se i takoni këta njerëz. Shpesh, besohet se përgjigjja në të njëjtën mënyrë është forma për t’u hakmarrë me egon tuaj, por ju e dini se kjo krijon më shumë debat.
- Kini besim
Nëse dikush bën shaka me ty, reagimi juaj instinktiv është të jesh i vrazhdë. Kjo krijon një zinxhir të pafund negativiteti dhe armiqësie. Ju duhet vetëm të prini pak sekonda që ajo ndjenjë të kalojë dhe egoja të stabilizohet, në mënyrë që askujt të mos i bëhet asnjë dëm i menjëhershëm.
Pritja në këtë botë moderne të teknologjisë duket të jetë më e vështirë se sa duket. Njerëzit janë të gatshëm të reagojnë ndaj ndonjë gjesti vrazhdësie me më shumë vrazhdësi.
- Parashikimi i perspektivës
Ashtu si një monedhe që ka dy anët e saj, kështu ne kemi perspektivën e personit tjetër në një diskutim apo debat. Është gjithmonë e rëndësishme të merret parasysh perspektiva e personit tjetër.
Ju mund të zgjidhni të largoheni me dinjitet dhe respekt në vend të planifikimit të planeve të hakmarrjes që në afat të gjatë iu nxjerrin të padobishme dhe budallenj. Përpiquni të qëndroni larg nga diçka që mund t’i dëmtojë të dyja palët në të njëjtën mënyrë. Kur dikush është i pasjellshëm, tregon vetëm atë që është dhe ju nuk duhet ta merrni personalisht.
- Thoni “Faleminderit”
Duke shprehur mirënjohjen për dikë që ju ka fyer, është një gjë shumë e vështirë për t’u bërë. Por të thuash thjesht një faleminderit, tregon më pjekuri se tjetri. Le të themi se është një “rrugë e mesme”.
Një “Faleminderit” është mjaft e qartë për një person që njeh sjelljen e tij të vrazhdë dhe nuk ju lejon të ndikoheni.
Burimi / emozionifeed.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
