- Qëndroni pozitivë
Shuplakat mund të sjellin probleme të tjera si:
- Sjellje antisociale;
- Agresivitet;
- Dëmtim fizik;
- Probleme të shëndetit mendor.
Plus, ekspertët thonë se ato thjesht nuk funksionojnë.
- Ndryshoni mjedisin
Nëse fëmijët janë duke u përleshur për një lodër, merrni lodrën. Shumë herë, ndryshimi i rrethanave do të ndryshojë sjelljen. Do të zvogëlojë gjithashtu nevojën për ndëshkime më serioze.
- Përgatituni, përgatituni, përgatituni
Merrni me vete lodra nëse shkoni diku, fëmija juaj i vogël mund t’i përdorë. Merrni ushqime nëse mendoni se fëmijën do e marrë uria. Nëse përgjumja mund të sjellë telashe, mendoni për një sy gjumë përpara se të dilni. Është gjithmonë më mirë të parandaloni sjelljen e keqe para se të ndodhë sesa të përpiqesh të merresh me të në moment.
- Respektoni rregullat
Ju duhet të keni rregulla. Nëse gjithë familja i njeh dhe i respekton, kjo do të jetë më mirë për të gjithë. Mund të tregoheni edhe fleksibël, megjithatë ka raste kur edhe ndëshkimet janë të nevojshme.
- Jini të qëndrueshëm
Nëse keni vendosur një rregull në familje si për shembull larjen e duarve përpara se të hani, duhet ta zbatoni gjtihmonë. Kështu nuk krijoni konfuzion tek fëmijët.
- Jini transparent për pasojat
Të gjithë duhet të dinë se sjellja e keqe vjen me pasoja. Fëmijët duhet të dinë se thyerja e rregullave ka një kosto. Jini të vendosur – dhe të qëndrueshëm.
- Bëni një vesh të shurdhët
Po, injorimi dhe të bërit sikur nuk keni vënë re një sjellje të keqe është një alternativë më e mirë se shuplakat. Me fëmijët që e duan shumë vëmendjen, të mos bësh asnjë veprim, ndonjëherë është veprimi më i mirë.
- Ndëshkojini duke i lënë më vete
Ky është një mjet i vlefshëm, efektiv. Një rregull i mirë është një minutë qëndrim në cep të dhomës, mënjanë për çdo vit të jetës së fëmijës. Mos ndërveproni as mos flisni me fëmijët gjatë këtyre minutave.
- Rrini edhe ju pak më vete
Kur e ndjeni se po ju del situata jashtë kontrollit dhe jeni lodhur shumë, bëni pak pushim.
- Tërhiqini vëmendjen fëmijës suaj
Nëse fëmija sillet keq, një mënyrë e mirë është t’i tërhiqni vëmendjen, t’i kërkoni t’ju ndihmojë për diçka, ta ftoni të shikojë një gjë interesante etj.
- Silluni si i rritur
Kur fëmijët nuk sillen mirë, ju takon ju të silleni si një person i maturuar. Ruani qetësinë, gjakftohtësinë dhe mos përdorni shuplakat si ndëshkim.
- Tregohuni empatikë
Flitini fëmijës suaj me qetësi, qartë dhe duke treguar se i mirëkuptoni.
- Jepini një përqafim
Fëmijët janë fëmijë, dhe mund që të sillen keq. Është detyra e prindërve që t’i disiplinojnë. Por, kjo mënyrë e marrjes dhe dhënies prind-fëmijë nuk ka pse të jetë negative. Përdoreni si një moment mësimdhënieje për të dhënë shembullin e mirësjelljes. Në fund të fund, një përqafim i tregon fëmijës se ju ende e doni atë.
- Sigurohuni që fëmija ju kupton
Kur e disiplinoni fëmijën, jini shumë të qartë. Shikojeni në sy, jini të qetë e të matur. Tregojini rregullat dhe nëse nuk binden, shpjegojuni pasojat. Por sigurohuni që fëmija e ka kuptuar mesazhin tuaj.
- Nuk është gabim të negocioni
Veçanërisht me fëmijët pak më të rritur, të qenit fleksibël dhe negocimi i ndëshkimeve, do t’i ndihmojë të gjithë në familje.
Burimi / pernenat.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
