Dr.Gjergj Habilaj, agronom e njëherësh avokat, në rrjedhën e lajmeve për konsumim të produkteve ushqimore të dendura me pesticide apo elementë të tjerë kimikatë, jep një mesazh të fortë.
Dr. Gjergj Habilaj, diplomua për degën “Agronomi” në Universitetin e Tiranës, dhe “Fakultetin e Drejtësisë”, “Avokat”, Doktor në Administrimin Publik (Institute of Arts and Science) Santa Fe. New Mexiko ,SHBA
“Jepni kontributin tuaj që brezat te konsumojnë dhe shijojnë fruta më shumë se sa ju, më lirë se sa ju, dhe më me cilësi se sa ju. Mos i hidhni në kosh! Kjo është mënyra e çmuar se si mund t’i përdorni bërthamat e frutave, duke ju shërbyer brezave.
Jemi në prag të stinës së verës dhe frutat aq të shijshme si kumbulla, pjeshka, qershi, kajsia dhe fruta të tjera janë gati. Ndaj e mira është që mos t’i hedhim në mbeturina bërthamat e këtyre frutave.
Mënyra më e mirë është t’i lajmë, t’i thajmë në diell, t’i fusim në një qese letre dhe t’i mbajmë ato me vete qoftë edhe në makinë. Në këtë mënyrë sa herë do të dalim në natyrë i hedhim ato në një vend të shkretë.
Mjafton ky veprim i thjeshtë dhe nëse kontribuojmë të gjithë për një pemë të re për çdo sezon, misioni ynë për të ringjallur këtë botë do të përmbushet.
Gjatë viteve të fundit qeveria e Tajlandës ka promovuar këtë aksion për të gjithë qytetarët e saj. Disa rajone kanë kryer me sukses të madh një fushatë intensive dhe numri i pemëve frutore në natyrë, e sidomos në vende të shkreta, është rritur, veçanërisht në pjesët veriore të Tajlandës.
Gjithashtu edhe malajzianët po i bashkohen tajlandezëve në këtë nismë për të përhapur bollëkun dhe begatinë në natyrë dhe në këtë mënyrë, të thjeshtë por efikase, për të kontribuar për gjeneratat e ardhshme.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
