Nxitja e fëmijëve të lajnë duart me sapun, është më e këshillueshme sesa t’i lajnë duart me solucin sapuni. Kjo përkujdesje, nuk ka të bëjë me higjenën, por me ushtrimet psikomotore për të fituar zhdërvjelltësimin e duarve.
Nga Lira Gjika
Pediatre
Zhdërvjelltësimi i duarve nxit sistemin nervor qëndror dhe atë periferik. Dora është organi, që zë sipërfaqen më të madhe në hartën e hypokampusit (në tru). Zhdërvjelltësimi i dorës është i lidhur edhe me të folurin. Zhvillimi historik i njerëzores e ka zanafillën pikërisht në zhdërvjelltësimin e dorës. Sa më shumë njeriu e përdorte dorën aq më shumë mendonte dhe përqëndrohej për të gjetur zgjidhje dhe për t’i komunikuar ato. Një nga ushtrimet më të mira për të zhdërvjelltësuar dorën është larja e duarve me sapun.
Rrotullimi i sapunit nëpër duar për të krijuar shkumbëzimin, e nxit fëmijën të përqëndrohet në kombinimin e lëvizjeve, për të mos i rrëshqitur sapuni nga dora. Ashtu si krehja, larja e dhëmbëve edhe larja e duarve është një ushtrim shumë efikas psikomotor.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
