Sipas një studimi, rreth 45% e njerëzve në botë vuajnë nga era e keqe e gojës në një moment gjatë ditës së tyre. Amerikanët shpenzojnë rreth 10 miliardë dollarë për produktet e higjienës së gojës (p.sh., nenexhik, çamçakëz, luspa, pastë dhëmbësh, etj.) për të luftuar erën e keqe çdo vit. Në këtë artikull keni disa mënyra për të luftuar erën e keqe, duke përdorur gjëra që ju ndoshta keni në shtëpinë tuaj.
Pini të paktën 2 litra ujë çdo ditë.
Pirja e ujit ka shumë përfitime edhe kur vjen puna tek era e keqe e gojës. Uji parandalon rritjen e baktereve në pështymë. Uji i pijshëm ka një efekt të madh kur bëhet fjalë për parandalimin e rritjes bakteriale dhe erës së keqe të shkaktuar nga lagështia e papërshtatshme dhe pështyma në gojë. Shmangni lëngjet e sheqerit gjatë natës pasi ato mund të ndihmojnë shtimin e baktereve gjatë natës.
Kujdes çfarë hani!
Disa ushqime janë të njohura për shkak të erës së keqe që shkaktojnë, kështu që është mirë t’i shmangni. Qepet dhe hudhrat njihen si ushqimet që shkaktojnë erë të keqe, por kjo nuk do të thotë që ta shmangni qepën tërësisht. Disa studime kanë treguar se qepa vret katër lloj bakteresh që ndodhen në dhëmbë, të cilat shkaktojnë prishjen e tyre. Gjithashtu, shmangni ushqimet që përmbajnë fruktoza ose acide pasi ato inkurajojnë rritjen bakteriale.
Pastroni gjuhën
Gjuha juaj mund të jetë një terren ushqyes për bakteret me erë të keqe. Pasi të keni pastruar dhëmbët, përdorni furçën e dhëmbëve për të pastruar edhe gjuhën, kjo do të largojë bakteret e akumuluara në pjesën e gjuhës.
Lani dhëmbët dy herë në ditë dhe përdorni fillin dentar
Duhet të lani dhëmbët të paktën dy herë në ditë dhe një herë në ditë duhet të përdorni fillin dentar për t’i pastruar. Përdorimi i tij largon bakteret në zonat ky furça nuk i arrin.
Burimi / gazetasi.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
