Celuliti është një problem shqetësuese për të gjithë ata që vuajnë prej tij, sidomos në periudhën e verës. Mënyrat për ta luftuar atë variojnë nga natyralet deri tek mjekësoret. Përtej trajtimeve estetike dhe ndërhyrjeve mjekësore e rëndësishme është mirëmbajtja e trupit në çdo kohë me metoda natyrale.
Celuliti formohet kur qelizat e trupit që magazinojnë dhjamin e mbledhin atë në mënyrë jo të rregullt duke formuar kështu toptha dhjami. Ndiqni më poshtë mënyrat më të sigurta të reduktimit të celulitit:
Konsumoni shumë ujë
Një ndër hapat e parë kundër luftës ndaj celulitit është pa dyshim uji. Aleati më i madh i juaj kundër celulitit është uji sepse ndihmon në tharjen e dhjamit, duke eliminuar edhe toksinat në trup. Ju mund të largoni celulitin duke konsumuar sa më shumë ujë, këshillohet që të konsumoni rreth 2 litra ujë në ditë.
Ujë me limon
Një mënyrë tjetër shumë e thjeshtë e shkrirjes së dhjamit të celulitit është edhe pija juaj e preferuar ujë më limon. Kjo pije është mirë të konsumohet e ngrohtë herët në mëngjes apo në formën e çajit, gjithnjë duke zgjedhur përbërës natyral.
Çaji jeshil
Për të pasur një lëkurë perfektë dhe të lëmuar në pak kohë provoni edhe çajrat. Në veçanti çaji jeshil ndihmon në tharjen e celulitit nga trupi.
Vitaminat
Çfarë të hani për të zhdukur celulitin? Ja një listë ushqimesh e vitaminash të cilat do të kujdesen për trupin tuaj. Së pari konsumoni shumë fruta si boronica, limon, portokall apo kivi. Agrumet dhe vitamina C ju ndihmon në tretjen e shpejtë dhe stimulon shkrirjen e dhjamit. Konsumoni shumë mollë bashkë me lëkurën, pasi ndihmon në eliminimin e masës dhjamore dhe nxit formimin e muskujve. Ushqimet e pasura me Omega 3 janë një burim i mirë i eliminimit të ujit të tepërt që akumulohet nën lëkurë. Ushqimet që duhet të evitoni nëse keni celulit janë ushqimet e pasura me karbohidrate apo ato shumë të përpunuara.
Kafe me limon
Një ndër pijet më të preferuara ju ndihmon kundër simptomave të celulitit. Merrni llumin e kafesë dhe bashkojeni me pak lëng limoni. Përzieni lëngun e kafesë me lëngun e limonit dhe lëreni të pushojë rreth 10 minuta. Më pas filloni të masazhoni lëkurën me kujdes me lëvizje rrethore. Sasinë e kafes mund ta vendosni në bazë të pjesës së trupit që do të masazhoni. Mund të përdorni dy apo tre lugë gjelle llum kafeje dhe një lugë lëng limoni. Bëjeni këtë trajtim tre herë në jave gjatë dushit dhe më pas shpëlani lëkurën me ujë të bollshëm.
Gjithashtu këshillohet që në çdo rast të merreni edhe me ushtrime fizike të paktën një herë në javë, për një trup më të formuar dhe më të shëndetshëm.
Burimi / AgroWeb.org
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
