Vera e nxehtë është një problem i cili ndikon në sëmundjet e lëkurës. Kujdesi më i madh që duhet pasur është ekspozimi i vazhdueshëm ndaj rrezeve të diellit. Përveç blerjes së kremit mbrojtës ka gjithashtu disa mënyra ‘tradicionale’ të cilat të ndihmojnë nga djegia duke përdorur produkte ushqimore që gjenden lehtë.
Ja disa mënyra që mund të na ‘shpëtojnë’:
Banja me qumësht
Ka qenë e njohur për njerëzit që vuajnë djegien nga dielli, ku si metodë përdornin një vaskë të mbushur me qumësht dhe laheshin në të! Duke e marrë qumështin direkt nga frigoriferi, freskia do të ndihmojë në zbutjen e nxehtësisë dhe qumështi do të krijojë një shtresë proteinash në lëkurë për të ndihmuar në mbrojtjen e saj. Ose provoni të merrni një copë dhe njomeni me qumësht. Vendoseni në të gjithë zonën e djegur dhe lëreni të përthithet nga lëkura.
Patatet e kremosura
Teknika me patate është përdorur në të gjithë botën dhe është në të vërtetë një mënyrë shumë popullore për të ndihmuar djegien nga dielli, edhe pse kjo nuk e ndalon atë të jetë shumë e çuditshme. Merrni disa patate të prera në copa të vogla. Vendosi ato në një enë, dhe shtypini. Sapo të jenë në një formë të lëngët, vendosni kremin në zonën e djegur. Patatet thuhet se janë një ndihmesë e madhe për lehtësimin e dhimbjeve.
Uthulla
Kjo tingëllon super e dhimbshme, duke vënë uthull mbi djegien nga dielli. Megjithatë, njerëzit për qindra vjet kanë përdorur uthull për të ndihmuar në shërimin e lëkurës. Nuk ka hulumtime për të na treguar se çfarë është ajo që ndihmon në shërimin e lëkurës, por pas një dushi të freskët, spërkatja e trupit me uthull molle ndihmon lëkurën që të shërohet.
Perimet e ngrira
Kjo është një mënyrë shumë e zakonshme dhe e çuditshme për t’u marrë me djegien nga dielli. Thjesht shkoni në frigorifer merrni një qese të madhe me bizele të ngrira, apo ndonjë perime tjetër, mbështilleni me një peshqir të hollë dhe vendoseni në zonën e djegur. Ftohtësia do të ndihmojë në qetësimin dhe relaksimin e zonës.
Burimi / http://www.scan-tv.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
