Një frazë e bukur nga Dalai Lama thotë: “Bëhu i sjellshëm kur është e mundur, por kurrë mos harroni”.
Mirësia nuk është dorëzim, nuk është humbje përballë atyre që ofendojnë në mënyrë sipërfaqësore dhe i trajtojnë të tjerët me përçmim. Sa herë kemi dëgjuar një mik apo një fqinj që na thotë: “Si mund të vazhdosh të jesh i mirë me ata që të lëndojnë? Nëse do të isha unë, do ta kisha larguar për gjithë jetën”.
Nëse mendoni thellë, mirësia nuk është diçka që del jashtë modës. Nëse një person e jeton atë si pjesë të vetes, ai nuk duhet të ndihet në siklet. Së bashku me arsimin është një përbërës i karakterit të tij dhe për këtë arsye nuk duhet të shkaktojë turp.
Është e vërtetë që jetojmë në një epokë në të cilën ata që bërtasin me zë të lartë duket se kanë gjithmonë të drejtë. Por, secili prej nesh është në gjendje të jetojë dhe të lidhet me mënyrën si ndihet brenda. Hakmarrja nuk është mënyra më e mirë për të qenë të drejtë. Përkundrazi, ajo shpesh kontribuon vetëm në gjenerimin e ndjenjave negative.
Mirësia është mburoja më e rëndësishme që mund të vishni. Ajo parandalon që zemra jonë të humbas mes negativitetit dhe zemërimit dhe na lejon të mos kapemi nga situata të errëta. Mirësia është burimi më i fuqishëm për të mos humbur kontrollin. Është një burim që duhet ruajtur si diçka unike.
Mos u pendoni që jeni të mirë me njerëzit e këqij
Asnjëherë mos dyshoni nëse ky është qëndrimi i duhur për të marrë. Asnjëherë mos dyshoni në forcën e karakterit tuaj, veçanërisht kur shpreh veten pa zemërim dhe pa humbur vetëkontrollin. Forca e vërtetë nuk ka nevojë të bërtas ose, më keq akoma, të godasë nga pas. Ajo mund të shfaqet me një buzëqeshje dhe mirësi. Ato janë armë të rafinuara, sepse parandalojnë që kundërshtari të luajë në tokën e tij. Dhe ata lejojnë secilin të ruajë paprekur dinjitetin, humorin e mirë dhe atë çfarë kanë në zemër.
Burimi / https://www.giornodopogiorno.org
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
