Në dietën tonë mjalti është një nga elementët më të mirë për shëndetin, i cili i bën mirë organizmit si nga jashtë ashtu edhe nga brenda. Mjalti është mjaft i dobishëm për lëkurën dhe ndihmon në pastrimin dhe ushqimin e saj.
Larja e lëkurës
Njerëzit që kanë akne si pasojë e lëkurës së thatë mund të gjejnë shpëtim tek mjalti. Përzieni një lugë çaji mjaltë, me lëngun e një limoni dhe dy lugë çaji ujë. Me këtë masë kremoze mund të lani lëkurën. Limoni do të eliminojë qelizat e vdekura ndërsa mjalti do ta ushqejë lëkurën me vitamina.
Maskë me mjaltë
Njerëzit që vuajnë nga lëkura e thatë duhet të përdorin mjaltin. Mjalti është veçanërisht i rekomandueshëm në dimër kur lëkura thahet ndjeshëm. Lyeni lëkurën me mjaltë në mbrëmje, mbajeni një orë dhe më pas shpëlajeni me ujë të ngrohtë.
Kundër plakjes
Ju mund të përgatisni një maskë për lëkurën që të luftojë shenjat e plakjes. Përzieni dy lugë gjelle mjaltë, me çerek avokadoje, një lugë çaji tërshërë të thatë dhe dy lugë çaji lëng limoni. Kjo maskë do të pastrojë lëkurën dhe do ta ushqejë atë me vitaminë E dhe antioksidantë.
Burimi / Intv.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
