Mjek familjar, psikolog dhe autor, Leonard Sax sqaron në librin e tij “Dështimi i të qenurit prind”, se fëmijët sot po rriten në mënyrë të gabuar. Sipas tij ka një keqkuptim në atë se si duhet të jetë një prind. Ai thotë se hierarkia e prindërit mbi fëmijën nuk ekziston më.
Leonard Sax, mjek familjar, psikolog dhe autor
“Në vend që prindërit të ushtrojnë autoritetin e tyre për shkak se ata e dinë se çfarë është më e mirë, ata lehtësojnë punën e tyre duke plotësuar dëshirat e fëmijëve”.
Sipas Sax, prindërit duhet të përqëndrohen që të ndihmojnë fëmijët të zhvillojnë aftësi të tilla si vetë-kontrolli, përulësia adhe ndërgjegjshmëria.
“Këto gjëra janë parashikues më të mëdhenj të suksesit në moshën e rritur, se arsimi apo pasuria”.
Ai shprehet se ky është brezi i prindërve të cilët kanë shpenzuar më shumë kohë me fëmijët se çdo brez i mëparshëm. Por në vend që të kalojnë kohën së bashku në familje, sipas tij prindërit e sotëm i endin fëmijët nga një aktivitet në tjetrin, apo nëpër punët e tyre.
“Kjo nuk do t’ju ndihmojë për të shpenzuar më shumë kohë me fëmijët, në qoftë se koha është shpenzuar në mënyra të gabuara”, citohet ai nga “wape.com”
Në librin e tij, Sax citon studime të 
shumta hulumtuese që dëshmojnë se mungesa e autoritetit prindëror është arsyeja pse obeziteti është në rritje, pse më shumë fëmijë janë në ankth, kanë mungesë vëmendje, kanë një kulturë të mosrespektimit, duken të brishtë etj…
Ai ofron disa zgjidhje:
1.Hani ushqim në shtëpi.
2.Hiqni ekranet nga dhoma e gjumit.
3.Mësojini me përulësi. Tregojuni fëmijëve se ata nuk janë njerëzit më të rëndësishëm në botë.
4.Krijoni marrëdhënie midis shkollës dhe jush.
5.Mos i lejoni të bëjnë atë që bëjnë ata.
Një 14-vjeçar nuk mund të lejohet të shkojë në party, ku shërbehet alkool. Ju duhet të mendoni për skenarin më të keq. Ata kanë nevojë për të rritur. Në qoftë se prindërit e bashkëmoshatarëve të tij i lejojnë këto, ju nuk duhet.
Mund të jenë të vështira për t’u zbatuar, por duhet këmbëngulje dhe përkushtim.
Revista Psikologjia
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
