Rrjetet sociale kanë hapur një botë të re marrëdhëniesh, të cilat na kanë afruar me njerëzit e famshëm dhe njerëzit që nuk i kemi njohur shumë mirë dhe na kanë lejuar të ndajmë më shumë momente dhe përvoja me miqtë tanë.
Sidoqoftë, jo të gjitha ndikimet e rrjeteve sociale janë pozitive. Sikurse na lejojnë të tregojmë jetën tonë ashtu siç e shohim të përshtatshme, ato gjithashtu na tregojnë shumë realitete “false” të njerëzve të tjerë dhe na ekspozojnë në marrëdhënie që jo gjithmonë janë të shëndetshme për ne.
Disa njerëz i përdorin rrjetet sociale jo si një formë argëtimi, relaksimi dhe miqësie, por si një mënyrë për të arritur njerëzit rreth tyre, duke postuar sugjerime fyese në çdo kohë dhe duke bërë krahasime, duke treguar që jeta e tyre është shumë më e mirë se ajo e gjithë të tjerëve. Ne takojmë njerëz të tillë në çdo moment, ata mund të jenë miq, ish-partnerë, anëtarë të familjes apo edhe të huaj.
Dhe, edhe nëse ata nuk kanë asnjë lidhje me problemet tuaja ose ju nuk jeni objektivi i postimeve të tyre, sjellja e tyre mund të arrijë tek ne dhe t’i bëjë shumë të rënda momentet tona të shpërqendrimit. Ne nuk kemi nevojë t’i mbajmë këta njerëz në qarqet virtual të miqësisë tonë, nuk kemi nevojë të shohim sugjerimet e tyre rreth nesh, duke thënë se ata tashmë na kanë kaluar ose se ne nuk kemi qenë kurrë kaq të rëndësishëm për ta. Nuk kemi nevojë të shohim njerëz që ishin, ose janë akoma, të rëndësishëm për ne duke u siguruar që ata nuk interesohen për ndjenjat tona.
Gjithashtu, nuk kemi nevojë të përfshihemi në negativitetin e dikujt që thjesht përpiqet t’i bëjë njerëzit e tjerë të ndjehen inferiorë me postimet e tyre. Bllokimi i disa njerëzve është shpesh çështje e stabilitetit dhe paqes emocionale. Mos kini frikë të përjashtoni nga rrjetet tuaja njerëzit që nuk ndikojnë mirë në jetën tuaj, kjo nuk është gjithmonë një shenjë e papjekurisë, por më tepër e vetë-respektit.
Rrjetet sociale janë vende ku shpërqendrojmë mendjen dhe argëtohemi me situata që na bëjnë të harrojmë lodhjen, të dalim nga rutina. Por nëse dikush largon paqen dhe qetësinë tuaj, nuk duhet të jetë më pjesë e rrethit tuaj të miqve.
Të qëndruarit gjatë në internet, është bërë një mënyrë jetese, kështu që duhet ta bëjmë këtë përvojë sa më të shëndetshme për ne. Mos kini frikë të bllokoni njerëzit e dëmshëm, ky është një favor i shkëlqyeshëm që i bëni vetes!
Burimi / https://vibee.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
