Ne jemi ajo çfarë hamë, apo jo? Për gratë mbi moshën 50 vjeç, konsumimi i ushqimeve të duhura është akoma edhe më i rëndësishëm, në mënyrë që të shmangen problemet me shëndetin. Ekspertët sugjerojnë që gratë mbi moshën 50 vjeç duhet të marrin 3 lëndë ushqyese të rëndësishme për të luftuar ndryshimet e zakonshme të shkaktuara nga plakja.
Kalcium për shëndetin e kockave
Osteoporoza merr shumë vëmendje dhe shumica e grave më në moshë e kuptojnë se risku për të zhvilluar këtë sëmundje të zemrës rritet me moshën. Në fakt, një në tre gra mbi moshën 50 vjeç është e rrezikuar për thyerje të kockave të shkaktuar nga osteoporoza. Osteoporoza ndikon edhe tek meshkujt, por jo në shkallë aq të lartë sa femrat.
Ne përthithim më pak kalcium me rritjen e moshës, dhe aftësia e disa grave për të toleruar qumështin dhe produktet e tij, burimet më të mira të kalciumit, ulet me rritjen e moshës. Perimet e gjelbra dhe lëngu i portokallit janë gjithashtu burime të mira për kalcium. Gratë mbi 50 vjeç kanë nevojë për 1,200 miligramë kalcium në ditë.
Proteina për muskuj të shëndetshëm
Gratë më në moshë kanë tendencë të qëndrojnë më shumë ulur e të ushtrohen më pak. Kjo i bashkohet dhe një procesi natyral të plakjes, të quajtur sarkopenia, që është humbja e masës muskulare. Deri në moshën 80 vjeçare, gratë mund të humbasin deri në gjysmën e masës së tyre muskulare. Konsumimi i mjaftueshëm i proteinave redukton impaktin e humbjes së asaj mase muskulare.
Dietat me bazë bimore që nuk përfshijnë mishin, që është një burim i rëndësishëm për proteinat, mund të sigurojnë mjaftueshëm proteina nëse bëhen zgjedhjet e duhura. Ekspertët rekomandojnë sojën, kuinonë, vezët, produktet e qumështit, arrat, farat dhe fasulet.
Nevojat për proteina varen dhe nga pesha juaj. Për gratë e moshës mbi 50 vjeç, ekspertët rekomandojnë 1 deri në 1.5 gram proteinë për kilogram në peshë. Për shembull, nëse peshoni rreth 63 kg, do të keni nevojë për rreth 63 gram proteina në ditë.
Vitamina B12 për funksionin e trurit
Me rritjen e moshës, gratë përthithin më pak lëndë ushqyese nga ushqimet që konsumojnë. Një nga këto lëndë të rëndësishme ushqyese që ato mund të mos jenë duke e marrë në sasinë e duhur është vitamina B12, e cila është thelbësore për ruajtjen e qelizave të kuqe të gjakut dhe funksionimin e trurit. Burimet më të mira për vitaminën B janë vezët, qumështi, peshku, drithërat etj.
Burimi / shendeti.com.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
