Kohët e fundit ne po kuptojmë gjithnjë e më shumë se mendja mund të ushtrojë fuqi të madhe mbi trupin, si për mirë ashtu edhe për keq. Është një besim i zakonshëm në shumë teori dhe disiplina filozofike, dhe sot është gjithashtu një fakt shkencor deri diku, se ndjenjat e këqija, zemërimi, zilia, zhgënjimi, faji, pakënaqësia, trishtimi, gjithashtu mund të ndikojnë në mirëqenien tonë fizike, në kuptimin që e bëjnë atë mjaft të vështirë dhe nganjëherë pothuajse të paarritshëm.
Sipas këtyre konceptimeve filozofike dhe/ose shkencore, sekreti i rikuperimit të shëndetit dhe mirëqenies është tek “pastrimi”, pra, le të themi, nga ndjenjat negative. Është disi një çështje për të bërë një “spastrim” të së kaluarës dhe për të filluar përsëri.
Po, sigurisht, thoni ju, por si? Ta thuash është më e lehtë sesa ta bësh. “Sekreti”, nëse mund të shprehemi në këtë mënyrë, ekziston dhe është tek falja. Sepse në një moment të jetës sonë duhet të merremi me të kaluarën, në kuptimin që për të përparuar është e nevojshme të “vendosim një gur mbi të”, dhe për të vënë një gur mbi të nuk mund të bësh asgjë tjetër, por të falësh.
Para së gjithash falni vetveten. Për të metat, mungesat dhe gabimet e së kaluarës, për plagët që u kemi shkaktuar të tjerëve, dhe gjithashtu, për ato që i kemi shkaktuar vetes. Dhe, natyrisht, duhet të falim të tjerët, sepse për të jetuar mirë, ose të paktën më mirë, është thelbësore që askush të mos ketë llogari të pazgjidhura me ne.
Dhe pas faljes, hapi tjetër duhet të jetë ta lini veten të lirë. Jeta ka ritmet dhe ciklet e saj: nëse filloni të notoni kundër rrymës, është më lehtë të kaloni nën ujë. Nëse, nga ana tjetër, ju shkoni drejt, mbase do të arrini diku, mbase në vendin e quajtur qetësi.
Burimi / https://www.pianetadonne.blog
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
