Në një bashkëbisedim me një grup të rinjsh që ishin mohuar nga prindërit e tyre për shkak të seksualitetit, Princ William është shprehur se do t’i mbështeste me gjithë zemër nëse fëmijët e tij janë homoseksualë. Gjatë kësaj bisede, 37-vjeçari foli hapur rreth diskutimeve që kishte bërë kohët e fundit me bashkëshorten e tij, Kate Middleton.
“Nëse fëmija juaj një ditë në të ardhmen thotë “unë jam homoseksual, unë jam lezbike”, çfarë do të bënit?”, e pyeti një djalë i cili kërkoi të mos identifikohej.
“Natyrisht, do të ishte çdo gjë në rregull për mua”, tha Princ William, i cili pranoi se ishte i shqetësuar se George, Princesha Charlotte dhe Louis, mund të “bezdiseshin” për shkak se ata janë në radhë të tretë, të katërt dhe të pestë në përputhje me fronin.
“Kate dhe unë kemi folur për këtë për t’u siguruar që ata të jenë të përgatitur. Unë mendoj se komunikimi është shumë i rëndësishëm për gjithçka, për të ndihmuar në kuptimin e saj, duhet të flisni shumë për gjërat dhe të siguroheni se si të mbështetni njëri-tjetrin dhe si të kaloni nëpër këtë proces”, tha 37-vjeçari.
“Ajo që më shqetëson, jo që mund të jenë homoseksualë, por se si do të reagojnë gjithë të tjerët dhe sesi do ta perceptojnë këtë, dhe pastaj presioni do të bjerë mbi ta”, përfundoi Princ William.
Burimi / PanoramaOnline
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
