Migrena është një dhimbje shumë e fortë e kokës, e cila mund të zgjasë deri në tri ditë, e shoqëruar nga të vjella, të dridhura, djersitje dhe ethe.
Kjo mund të ndodhë për shkak të faktorëve neurologjikë, mjedisit ose shkaktarë gjenetikë. Nga studimet, femrat vuajnë më shumë se meshkujt nga migrena, 6% meshkujt dhe 18% femrat. Sipas studimeve janë rreth 300 milionë pacientë në botë që vuajnë nga migrena.
Edhe mungesa e vitaminave mund të shkaktojë migrenë. Sipas disa studimeve të fundit, Vitamina B2 (riboflavin) B6 dhe B12 kanë rol të madh në zbutjen e dhimbjeve që shkakton migrena. Gjithashtu është vënë re se, mungesa e Vitaminës D është e zakonshme në rreth 42% të pacientëve që vuajnë nga kjo lloj sëmundjeje.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
