Natyra, në kuptimin më të gjerë, është natyrale, fizike, ose bota materiale apo gjithësia. “Natyra” mund të referohet për dukuritë të botës fizike, dhe gjithashtu për jetën në përgjithësi. Studimi i natyrës është një pjesë e madhe e shkencës. Edhe pse njerëzit janë pjesë e natyrës, aktiviteti njerëzor kuptohet shpesh si një kategori e veçantë nga dukuritë e tjera natyrore.
Albina Hyseni, Studiuar për administratën publike, marrëdhëniet ndërkombëtare dhe studimet Evropiane. Njohuri të gjera psikologjike, teknike farmaceutike
Ndërsa shpesh ka kuptimin e “mjedisit natyror” ose vendit të shkretë, kafshëve të egra, shkëmbinj, pyje, dhe në përgjithësi për ato gjëra që nuk janë ndryshuar në thelb nga ndërhyrjet e njeriut, ose që vazhdojnë pavarësisht ndërhyrjeve të njeriut. Për shembull, objektet e prodhuara dhe ndërveprimi njerëzor në përgjithësi nuk konsiderohen pjesë e natyrës, përveç rasteve kur kualifikohet si i tillë, për shembull, “natyra njerëzore”. Ky koncept më tradicional i gjërave natyrore të cilat ende mund të gjenden sot nënkupton një dallim midis natyrores dhe artificiales. Me të qenit artificial nënkuptohet si diçka që është rezultat i vetëdijes njerëzore ose mendjes njerëzore.
Karakteristikat më të njohura klimatike të Tokës janë dy rajonet e saj të mëdha polare, dy zona të ngushta relativisht, dhe një rajon i gjerë ekuatorial tropikal deri në subtropike. Reshjet ndryshojnë gjerësisht sipas vendit, nga disa metra ujë në vit deri më pak se një milimetër. 71 për qind e sipërfaqes së Tokës është e mbuluar nga oqeane me ujë të kripur. Pjesa e mbetur përbëhet nga kontinentet dhe ishujt, me shumicën e vendeve të banuara në hemisferën veriore.
Natyra dhe njeriu ndërlidhen shumë me njëri-tjetrin. Aty ku ka natyrë, ka njerëz. Njeriu ndryshon mjedisin natyror duke e kthyer ate në një mjedis artificial. Aktiviteti i njeriut kundrejt natyrës po rritet me ritme alarmuese dhe kjo gjë vë në rrezik këtë të fundit, natyrën.
Klima karakterizohet nga një regjim shumëvjeçar i motit, me të cilin nënkuptohen jo vetëm kushtet mbisunduese por edhe ata të mundshmet e motit për një vend të dhënë ose më mirë, në përgjithësi klima përcaktohet si rezultat i të gjithë dukurive meteorologjike që karakterizojnë gjendjen mesatare të atmosferës me një pikë të caktuar të rruzullit tokësor.
Pse ka kaq shumë çështje mjedisore tani?
Sepse shumë nuk e kanë idenë se duhet të kujdesemi për natyrën. Globi është shtëpia jonë, ne nuk duhet ta ndotim atë. Ku do të jetojmë nëse e shkatërrojmë?
Shumë njerëz janë të gatshëm të bëjnë gjithçka për përfitimin e tyre, ata mendojnë vetëm për veten e tyre. Këta njerëz nuk kanë ndjenjën e përgjegjësisë. Prandaj, për të mbrojtur natyrën, duhet të kujdeseni për pyjet, jo të ndotni lumenjtë, liqenet dhe të mësoni brezin e ardhshëm për të mbrojtur natyrën. Nëse më parë keni besuar se pasuria natyrore është e pafund, se nuk keni nevojë të mendoni për të, tani gjithçka është ndryshe. Disa vende shpenzojnë shuma të mëdha parash për të rikthyer mjedisin.
Njeriu ka nevojë për natyrën për të jetuar. Nëse ne nuk e mbrojmë atë, atëherë njerëzit do të fillojnë të vdesin nga sëmundje të ndryshme dhe madje edhe nga katastrofat mjedisore.
Gjatë gjithë jetës së tyre, njerëzit ndotin me forcë pyje, dete, lumenj, liqene. Disa mendojnë se asgjë e tmerrshme nuk do të ndodhë nga çanta e tyre te mbeturinave hedhur në pellg. Dhe nëse njëqind njerëz mendojnë kështu? Dhe rezulton se në fund të lumenjve mund të gjeni fragmente shishesh të thyera, copëza çanta të grisura dhe mbeturina të tjera të panevojshme për nga natyra. Njerëzit marrin frymë nga ajri i ndyrë i bimëve dhe fabrikave, pinë ujë të ndotur.
A duam vërtet të jetojmë kështu? Duke ndërtuar shtëpiza apo vila luksoze, vetëm pse ndokush ka dëshirë dhe vetëm aq! Jo unë mendoj që jo!
Përkundrazi. Ne duam të vijmë për kërpudha dhe manaferrat në një pyll ose ne nje liqen të pastër. Dëgjoni zogjtë që këndojnë. Zogjtë janë pjesë e natyrës sonë. Ata shtojnë hijeshi në pyje, kopshte dhe pemishte, janë dekorimi më i mirë i parqeve të qytetit. Zogjtë shndërrojnë peizazhin dhe këndimi i tyre e bëjnë atë të gëzuar dhe të kënaqshëm. Sidoqoftë, njerëzit duhet të kujtojnë se zogjtë, peshqit dhe kafshët nuk do të jenë në gjendje të jetojnë në një habitat të pistë.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
