A është bindja një formë edukimi dhe a është e shëndetshme? A kërkojnë prindërit që fëmijët e tyre të jenë të respektueshëm?
Almira Llausha psikologe këshillimi, Terapiste ABA, Terapiste EMDR (niveli l)
Prindërit shpesh nuk dinë të dallojnë respektin dhe bindjen: një ndryshim themelor për të krijuar një marrëdhënie të shëndetshme me fëmijët e tyre. Bindja nuk sjell gjithmonë lumturi: shpesh krijon një barrierë midis prindërve dhe fëmijëve, e cila minon dashurinë dhe kushtëzon të ardhmen e fëmijës.
Bindja është veprimi i ndjekjes së urdhrave të një personi tjetër (që konsiderohet si epror) pa u parashtruar pyetje, justifikime apo arsye. Çfarë është e gabuar me këtë? Së pari dhe më kryesorja, është mungesa e shpjegimeve që krijon një pengesë komunikuese. Pa shpjegimet e nevojshme, fëmija nuk i kupton arsyet pse ai është i detyruar të bëjë një veprim të caktuar.
Rreziku më i madh i një edukimi të bazuar në bindjen, është formimi i një të ardhmeje të pandërgjegjshme dhe pasive. Bindja arrihet përmes frikës, dënimit dhe imponimit, jo përmes edukimit. Kjo është arsyeja pse bindja nuk garanton formimin e një individi të shëndetshëm dhe të lumtur.
Është e nevojshme të kuptohen arsyet e kërkesës për t’i lejuar ata të zhvillojnë sjellje të mirë dhe t’u japin mundësi të veprojnë në mënyrë spontane.
Nuk është e njëjta gjë të thuhet: “mbylleni dhe mjaft sepse po më shqetëson” dhe thoni “a mund të heshtni ju lutem?. Mami është në telefon”.
Ne të gjithë duam fëmijët që t’i kushtojnë vëmendje kërkesave tona, por për ta arritur këtë, ata duhet të kuptojnë se përse ata duhet ta bëjnë atë dhe të kuptojnë veprimin gjithmonë me respekt ndaj të tjerëve.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
