Prindërimi është një art më vete. Aq sa i bukur e emocinues mund të jetë, po aq edhe vështirësi e sfida mund të ketë.
Almira Llausha psikologe këshillimi, Terapiste ABA Terapia EMDR ( niveli l)
Sa herë kemi dëgjuar apo kemi qenë të pranishëm në situata të ndryshme, në të cilat prindërit mund apo nuk mund të sillen në mënyrën e “duhur”.
Dhe shumë sjellje apo shumë qëndrime mund të dëmtojnë zhvillimin e fëmijës.
Nga studimet janë evidentuar disa qëndrime, të cilat mund të “vrasin” zhvillimin emotiv të fëmijëve.
- Rrënjosja e frikës / Mos shko atje, se ndodhet një përbindësh
- Thënia e gënjeshtrave / Nëse qetësohesh, mami do të çojë më vonë te parku i lojrave.
- Shkaktimi i fajit / Nëse sillesh kështu, mami do qajë
- Të qenit hiperkritik / Jeni një grindavec, e nuk di të bësh asgjë.
- Dashuri e kushtëzuar / Nëse nuk ha, mami nuk të do.
- Shfuqizimi i emocioneve / Duke u nervozuar, nuk të shërben për asgjë.
- Ndëshkimi i emocioneve / Nëse vazhdon të qash, nuk ka akullore.
Pra, Ju nuk duhet të vendosni se çfarë ndjenjash duhet të përjetojnë fëmijët tuaj, por duhet të vendosni që ta udhëzoni ata drejt një mënyre të shëndetshme jetese dhe menaxhimin e emocioneve.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
