Nga Lindita Biraçi: Motivimi tek nxënësit rrit vetëvlerësimin

Në psikologji, nocioni motivim i nxënësve nënkupton: sistem i nxitjeve, shtytjeve të aktiviteteve intelektuale, emocionale, sociale, motorike e kështu me radhë (Corno.2. 1994. fq229. 254)

Lindita Biraçi, psikologe shkollore, zhvillimi

Motivi është faktor kryesor i mësimdhënies dhe nxitësi i cili shton interesimin për aktivitetin dhe vullnetin e nxënësve. Është një proces i cili iniciohet nga mësimdhënia, duke përdorur praktika, strategji dhe mjete efektive të cilat ndikojnë tek subjektet (nxënësit).

Në metodologjinë e mësimdhënies elementë kryesor i motivimit të nxënësve janë:

Motivimi i brendshëm

Kur nxënësi merret me një veprimtari me qëllim që të plotësoj ose kënaqë kuriozitetin dhe interesin e tij në një fushë, lëndë të caktuar.

Motivi i jashtëm

Ka të bëjë me strategji për tërheqjen e nxënësit në një veprimtari me qëllim që të arrihen objektiva apo synime të cilat shpërblehen. Për shembull: nëse një nxënës pëlqen lëndën e historisë, (motiv i brendshëm), ai lufton që të arrijë rezultate në mënyrë që të realizojë dëshirën për profesionin e ardhshëm (motiv i jashtëm).

Shpresa për sukses

Çdo detyrë që i jepet nxënësit duhet të jetë në përputhje me moshën dhe shkathtësitë psiko-fizike të tij në një ngarkesë mesatare për mundësitë e kryerjes së asaj detyre.

Sjelljet që nxisin motivimin

Entuziazmi | Shpreh rrezatim, dritë, gëzim, shpresë, motivim për fëmijët, por edhe të rriturit janë frymëzuar nga entuziazmi i të tjerëve.

Angazhimi | Në punë, aktivitete, interesa të nxënësve është një tjetër mënyrë për të arritur motivimin.

Vlerësimi | Identifikon dhe përforcon pikat e forta të nxënësit. Të qenit i qartë dhe konstruktiv në lidhje me dobësitë, duke i ofruar mundësi përmirësimi.

Komunikimi dhe klima | Bashkëbisedim, ndërveprim dhe marrëdhënie plus nxitje të vetëvlerësimit tek nxënësi.

Inkurajimi | Është mënyrë shumë efikase për motivim dhe rritje të vetëvlerësimit. Është detyrë e çdo prindi dhe mësuesi që t’i gjejë këto mënyra.

Artikuj të ngjashëm