Fëmija, djalë apo vajzë qoftë, vetëm po eksperimenton për të njohur veten dhe mjedisin ku është pjesë. Prindërit apo zëvendësuesit e tyre, janë aty jo që t’i ndëshkojnë, por nëpërmjet fjalës t’i shpjegojnë fëmijës gjërat që nuk i di dhe t’i japin kohën e duhur për t’i përvetësuar.
Ilira Gjika, Mjeke Pediatre
Prindërit duhet të njohin e të dinë se çfarë ndodh në mosha të caktuara dhe si reagon një fëmijë në mosha të caktuara. Të rritur, mos harroni fëmija po ndërton mekanizmat e të rriturit. Nuk është i rritur. Nuk e shikon botën dhe gjërat si i rritur. Ashtu si për të rriturin që në fillim të një eksperience të re, nuk është i sigurt dhe i saktë siç dëshiron, i duhet pak kohë që të mund të veprojë e mendojë i lirshëm, e njëjta gjë ndodh edhe me fëmijën. Kur një i rritur ka nevojë për kohë po te fëmija pse insistojmë që të jetë i saktë e i përkryer pa u rritur?
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
