Mendja e fëmijës zhvillohet nëpërmjet ndërveprimit të përditshëm me të tjerët, dhe në mënyrë të veçantë nëpërmjet komunikimit të vëmendshëm me prindërit apo zëvendësuesit e tyre.
Ilira Gjika, Mjeke Pediatre
Kur të rriturit hynë në komunikim me fëmijën nëpërmjet rregullit, butësisë vëmendjes, pra nëpërmjet një gjendje shpirtërore të qetë, fëmija arrin të perceptojë mendjen e tij me qartësi, të paktën kështu thonë shkencëtarët. Shkencëtarët po përpiqen të gjejnë qarqet cerebrale që marrin pjesë në këtë proces “magjik”, këtë sintonizim të prindit apo kujdestarit me botën e brendshme të fëmijës, e cila stimulon qarqet neural të trurit të fëmijës.
Prindër, të rritur, mos i shihni fëmijët të vegjël dhe që nuk “marrin vesh”, nuk kuptojnë. Është pikërisht komunikimi me të rriturin që stimulon mendjen e fëmijës dhe e nxit të njoh veten dhe botën nëpërmjet ngarkesave emocionale të të rriturve dhe sjelljeve të tyre.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
