Të rriturit pa dallim, të shkolluar apo jo, prindër të rinj apo profesionistë, mësues e gjuhëtarë, kur flasin me fëmijën i drejtohen në rasën “thirrore”, që nuk bën pjesë më në gramatikën shqipe.
Nga Lira Gjika
Pediatre
Kujtoni “o çuni ose o Flutra dëgjo këtu”. Gjithashtu përdorin vetëm fjalitë në formën urdhërore dhe pyetëse. Sidomos këtë të fundit, e përdorin sa herë janë të nxehur dhe do të fillojnë sulmin kundër fëmijës. Ajo që është më e habitshme, në shkollë mësuesit u mësojnë nxënësve, se forma më cilësore për të dialoguar është fjalia dëftore, por për çudi ata vetë, kur u flasin e u drejtohen nxënësve, përdorin formën urdhërore e pyetëse.
Këtë formën dëftore nuk e përdorin që nuk e përdorin. Ka ardhur koha që ne të rriturit të fillojmë të përdorim fjalinë dëftore dhe të heqim nga përdorimi “rasën thirrore”, nëse vërtetë duam, që nesër fëmijët të bëhen më qytetarë e të edukuar se ne.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
