Rruga e rritjes dhe edukimit është e gjatë dhe me shumë të papritura, pa të cilat, fëmija nuk mund të rritet. Ai duhet t’i përballojë, përjetojë dhe përvetësojë këto të papritura. Këtu qëndron dhe çelësi i edukimit.
Ilira Gjika, Mjeke Pediatre
Prindërit kanë një rol shumë të rëndësishëm, në këtë proces, ata janë modeli dhe siguria, por këtë rrugëtim, fëmija do ta realizojë vetë. Edhe pse do të jetë krah prindërve, ai, prapë, do ta përjetojë vetëm me veten e tij.
Prindër, nëse vërtetë doni ta mbroni fëmijën, shikojeni si një njeri që po rritet. Mos e trembni me frikën tuaj alarmante, sepse vetëm dëm i bëni, por inkurajojeni, mësojeni dhe nxiteni, si të administrojë ankthin, frikën, pasigurinë dhe përballjen me tjetrin. Mësojini dhe nxiteni, se njeriu sa rron ka gjithmonë gjëra për të zbuluar, njohur dhe mësuar.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
