Trupi është shumë i rëndësishëm për njeriun, pasi brenda tij, gjenden jeta dhe vetja e çdo individi. Jo më kot për njohjen, funksionimin dhe mirëmbajtjen e tij, janë zhvilluar dhe merren seriozisht shumë degë të shkencës. Kjo vetëdije për trupin dhe kujdesin për të, mësohet dhe fitohet në fëmijëri dhe pikërisht si të prekin prindërit, butë, me vëmendje apo pa kujdes.
Ilira Gjika, Mjeke Pediatre
Prekja duhet të jetë me butësi dhe respekt. Për fat të keq, prekja e ashpër, prekja me mospërfillje apo duke e shtyrë fëmijën, si një bezdi nëpërkëmbë, për fat të keq vazhdojnë të shihen në rrugët tona. Kujtohuni kur e shtyni fëmijën se pa dashje ju shkeli këmbën apo ju bëri pis rrobat apo ju bezdisi. Për të mos folur për goditjet me shpullë kur bën ndonjë veprim që i rrituri nuk është dakord apo nevrikoset. Gjithë të rriturit pa përjashtim, duhet ta prekin me kujdes dhe butësi fëmijën, t’ia respektojnë trupin.
Fëmija po nuk e mësoi në fëmijëri respektin për veten dhe jetën që fillon me trupin, nuk do mundë më vonë të fitojë vetëdijen për veten e tij dhe t’i bëjë bashkë trupin veten dhe jetën. Të rriturit duhet t’i marrin leje fëmijës edhe kur ta përkëdhelin. Fëmija mund të preket pa leje vetëm te këmbët, në çdo pjesë tjetër të trupit, i rrituri duhet t’i kërkojë leje fëmijës përpara se ta prekë.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
