Për fat të keq, të rriturit fajet e tyre i shohin gabime, ndërsa gabimet e fëmijëve i shohin faje dhe i ndëshkojnë rëndë. Kjo mënyrë të trajtuari të situatave të veta dhe të fëmijës, quhet indiferencë dhe papërgjegjshmëri.
Ilira Gjika, Mjeke Pediatre
E keqja më e madhe e të rriturit ndaj të parriturit, qëndron tek indiferenca e të rriturit ndaj gabimit të vet apo më saktë, në ndëshkimin e gabimit të fëmijës dhe heshtjen për fajet e tij. Të paktën të kërkojë të falur edhe me vonesë, sepse për fëmijën është shumë e vlefshme.
Fëmija kupton që i rrituri nuk e ka harruar dhe njëkohësisht i tregon edhe modelin se si të kërkuarit e të falurit nuk është turp por respekt për veten dhe kurajo. Mirëpo, kjo mënyrë sjelljeje, ende nuk është bërë shprehi apo zakon në trajtimin dhe komunikimin me fëmijën.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
