Kur njeriu arrin moshën e adoleshencës vullneti i tij pëson një zbehje. Të parët që e konstatojnë janë mësuesit dhe shpesh i deklarojnë prindërve se djali apo vajza ka një rënie në mësime.
Nga Lira Gjika
Pediatre
Ky fenomen ndodh pasi në këtë moshë trupi merr përparësi, ai po merr dhe arrin format e përmasat përfundimtare, duke filluar nga gjatësia, arritja e përmasave përfundimtare të organeve dhe deri te pjekja seksuale. Trupi i adoleshentit është si një kantier ndërtimi. “Punohet” si fizikisht po ashtu edhe psiqikisht. Ajo që është e veçanta e kësaj moshe, qëndron në faktin që të gjithë procesin e rritjes e udhëheq një organ që edhe ai vetë i nënshtrohet këtij procesi.
Truri i adoleshentit në këtë fazë duhet të përballet me ankthet e psihës së parritur dhe të furisë hormonale, prandaj duhet treguar kujdes dhe tolerancë, por jo të lejohet të jenë pa edukatë.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
