Një studim i ri nga hulumtuesit në Universitetin Hebraik në Jerusalem dhe në Universitetin e Tel Avivit tregon se një mëngjes i mirë mund të ketë një ndikim pozitiv tek gratë me probleme të fertilitetit.
Studimi tregon se një mëngjes i mirë ndikon në shëndetin e grave që kanë probleme me cilklin menstrual.
Sindromi policistik ovarian prek rreth 6 deri 10% të grave të moshës riprodhuese dhe ndikon në infertilitetin femëror.
Ky sindrom krijon një rezistencë ndaj insulinës, e cila çon në një rritje të hormoneve mashkullore, por gjithashtu mund të shkaktojë periudha të parregullta të ciklit menstrual, humbje e flokëve, puçrra fytyre, probleme me fertilitetin dhe diabetin.
Në studim morën pjesë 60 gra të moshës 25-39 vjeç. Ato u ndanë në dy grupe dhe u lejuan të konsumonin rreth 1.800 kalori në ditë. Dallimi në mes dy grupeve ishte se nj ri kishte ushqim më shumë në mëngjes, rreth 980 kalori, ndërsa tjetri në darkë.
Studiuesit donin të shqyrtonin n se kaloritë ndikonin në rezistencën e insulinës dhe në rritjen e hormoneve mashkullore në mesin e grave me sindromin policistik ovarian.
Rezultatet e publikuara treguan se në grupin e grave që konsumonin mëngjes të bollshëm rezistenca e insulinës u ul me 8%, ndërsa në grupin e dytë nuk ndryshoi. Gjithashtu u provua se grupi i parë përjetoi një rënie në nivelet e testosteronit me gati 50%, ndërsa në grupin e dytë niveli nuk ndryshoi. Përveç kësaj, grupi i parë regjistroi një numër më të madh të grave me ovulacion se në grupin tejtër, duke treguar se një mëngjes i bollshëm çon në një rritje të nivelit të fertilitetit tek femrat me sindrom policistik ovarian.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
