Të gjithë njohim një person me të vërtetë të mirë. Ai që është gjithmonë i gatshëm të dëgjojë dhe ndihmojë çdo njeri, që ofron këshillat më të mira dhe kurrë nuk lejon që ndokush të ndihet i pafuqishëm dhe i vetmuar.
Pjesa më e madhe e jetës së tij është e përkushtuar për të bërë mirë për ata që e rrethojnë dhe këtë e bën nga dashamirësia e plotë, duke mos kërkuar kurrë ndonjë gjë në këmbim. Njerëzit e mirë janë vërtet thelbësorë për botën, sepse përmes pastërtisë së zemrave të tyre praktikohet e mira dhe shpresa e një të nesërmeje më të mirë mbetet gjithnjë e gjallë.
Dhuntia e tyre për të ngushëlluar të tjerët shpesh mund të ketë pasoja për shëndetin e tyre emocional. Ka shumë të ngjarë që këta njerëz të ndjehen të mbingarkuar dhe të lodhur mendërisht dhe emocionalisht sepse janë në kontakt të vazhdueshëm me energjitë dhe emocionet e të gjithëve përreth tyre. Ata rrallë gjejnë dikë që të flasin dhe të shfryjnë për problemet e tyre të brendshme. Njerëzit e mirë qajnë me lot që askush nuk i sheh, ata ndiejnë dhimbje që askush nuk i ndjen dhe përballen me betejat që askush nuk i njeh.
Ata e bëjnë këtë jo sepse u pëlqen të luajnë pjesën e viktimës, por sepse është natyra e tyre, sepse ata mendojnë se duhet të jenë gjithnjë të fortë dhe duhet të hapen vetëm për ata që u besojnë vërtet. Ata janë mësuar të jenë një strehë e sigurt për njerëzit dhe preferojnë të kursejnë lotët e tyre për momentet e vetmisë. Sidoqoftë, thirrja e tyre nuk është sinonim i dobësisë, përkundrazi, kjo tregon vetëm forcën dhe humanizmin e tyre, sepse një person i cili ia kushton jetën e tij kujdesit për të tjerët dhe të sigurojë që të gjithë janë gjithmonë mirë, meriton të ketë gjithashtu momentin e vet të lehtësimit emocional.
Jini gjithmonë dashamirës me njerëzit e mirë në jetën tuaj, ata shpesh kanë nevojë për të gjithë dashurinë, vëmendjen dhe kujdesin që ju ofrojnë juve dhe gjithë atyre që i rrethojnë. Dhe më shumë se gjithçka tjetër nëse keni fat sa të keni pranë jush një person të tillë, kujdesuni për të.
Burimi / Bota.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
