Revista Time ka zgjedhur presidentin ukrainas, Volodymyr Zelensky dhe presidenten e Komisionit të BE-së, Ursula von der Leyen si dy personazhet e vitit.
Zelensky mori këtë çmim për “faktin se guximi mund të jetë po aq ngjitës sa frika”.Kryeredaktori i revistës, Edward Felsenthal, tha se zgjedhja e Zelenskyt – krahas “shpirtit të Ukrainës” – ishte zgjedhja e duhur.
“Pavarësisht nëse beteja për Ukrainën i jep dikujt shpresë apo frikë, bota marshoi në ritmin e Zelenskyt më 2022”, tha ai.
Zelensky, komedian i shndërruar në politikan, që u zgjodh president i Ukrainës më 2019. Ai ka punuar pa pushim që kur Rusia nisi pushtimin e Ukrainës më 24 shkurt, për të frymëzuar rezistencën e vendit të tij dhe për të fituar mbështetje ndërkombëtare për Kievin.
Felsenthal tha se vendimi i Zelenskyt “që të mos largohej nga Kievi, por të qëndronte dhe të punonte për fitimin e mbështetjes, ishte vendimtar”.
“Për të dëshmuar se guximi mund të jetë po aq ngjitës sa frika, për drejtimin e popullit dhe për bashkimin e tyre në mbrojtje të lirisë, për përkujtimin se demokracia është e brishtë, Volodymyr Zelensky dhe shpirti i Ukrainës zgjidhen Persona të Vitit për vitit 2022”, tha ai.
Ndërsa Ursula von der Leyen është zgjedhur në vendin e parë si një nga gratë më të fuqishme të vitit për rolin e saj gjatë luftës në Ukrainë dhe për menaxhimin e pandemisë
“Ndikimi i saj është unik, asnjë grua tjetër, në renditje, nuk ka udhëhequr një politikë në emër të 450 milionë banorëve”, thuhet në revistën amerikane.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
