Ata nuk e dëgjojnë kurrë mendimin e të tjerëve dhe mendojnë se nuk kanë nevojë për ndonjë këshillë. Ata nuk respektojnë hapësirat e të tjerëve, sepse gjithçka është për ta. Në realitet ata as nuk i respektojnë të tjerët. Ata besojnë se gjithçka rrotullohet rreth tyre se ata janë qendra e universit, janë qenie perfekte. Megjithatë, njerëzit që ndihen plot me veten janë bosh nga brenda. Pothuajse gjithmonë.
Pse njerëzit që ndihen plot me veten janë bosh nga brenda?
- Ata i japin përparësi vetes
Përballë nevojave dhe dëshirave të tyre, gjithçka zë vendin e dytë. Miqtë, partnerët, madje edhe fëmijët dhe për t’i kënaqur ato, ata nuk hezitojnë të përdorin çdo mjet. Ata nuk e dinë se çfarë është faji apo ndërgjegjja.
- Ata nuk mund të ndërtojnë miqësi të vërtetë
Shpeshherë i dëgjojmë ata të ankohen për falsitetin ose pamjaftueshmërinë e të tjerëve, por njerëzit që ndihen plot me veten nuk dinë të krijojnë një marrëdhënie të vërtetë dhe të thellë. Për ta, miqësia është thjesht një fjalë e panjohur në fjalorin e tyre.
- Ata besojnë se të gjithë janë për të
Ata marrin gjithçka si të mirëqenë. Ata nuk pyesin pse, nuk ndalen të reflektojnë apo përpunojnë. Ata gjithashtu nuk e dinë konceptin e mirënjohjes. Ata pyesin vetëm për të marrë, nuk ka vend për asgjë tjetër në mendjen e tyre.
- Ata kanë një ego të pamatshme
Shumë herë kemi theksuar rëndësinë e vetëvlerësimit, nga nevoja për të besuar në veten dhe aftësitë tona. Por kjo nuk ka asnjë lidhje me krenarinë dhe prezumimin e njerëzve të mbushur nga vetja, të cilët asnjëherë nuk mendojnë se duhet të përmirësohen. Ata janë të bindur se janë të përsosur ashtu siç janë dhe absolutisht superiorë ndaj të tjerëve.
- Ata besojnë se të gjithë i kanë zili
Me koston e tingëllimit qesharak, ata akuzojnë këdo që ndien zili dhe xhelozi ndaj tyre dhe ndaj dhuratave të tyre. Edhe kur është shumë e qartë që këto cilësi nuk ekzistojnë.
- Ata e urrejnë të kundërshtohen
Njerëzit që ndihen plot me veten janë aq të zbrazët sa nuk mund të përballojnë një konfrontim. Ata nuk kanë burimet e nevojshme, madje nuk kanë as ideale për tu mbrojtur. Për këtë arsye, nëse gjykohen ose kundërshtohen, ata reagojnë dhunshëm dhe bëhen të pakontrollueshëm.
- Ata janë njerëz të pakënaqur
Lumturia përbëhet nga gjëra të vogla. Ajo është shoqëruesja besnike e përulësisë dhe mirënjohjes. Njerëzit që ndihen plot me veten janë shumë të zënë me ngritjen e piedestaleve ku ata mund të qëndrojnë për ta kuptuar atë. Ata nuk janë të lirë, pasi liria është për njerëzit që janë thellësisht të lidhur me veten. Ata që dinë të ndajnë dhe të tregojnë mirënjohje me gjeste dhe fjalë.
Njerëzit që ndihen plot me veten janë të burgosur të varfërisë më të frikshme, asaj të shpirtit.
Burimi / https://www.giornodopogiorno.org/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
