Për disa mund të jetë një datë që as duhet kujtuar, ndërsa për të tjerë, nostalgjikët e një regjimi totalitar siç ishte ai i Enver Hoxhës, 11 prilli ka kujtesën e vet në historinë e shtetit shqiptar. 31 vjet më parë një komb i tërë duke shkulur flokët e duke vajtuar deri në mekje e gjendje të fikti, në varganin e gjatë të homazheve , i dhanë lamtumirën e fundit liderit të tyre historik. Por, sido të jetë figura e një udhëheqësi, e mirë apo e keqe, ajo shënjon në kujtesën e kujtdo një fakt të pandryshueshëm gjithashtu historik. Fakti se edhe pas 26 vitesh rënie të diktaturës, ende përmendet figura e Enver Hoxhës në shumëllojshmëri shkrimesh e faktesh që tërheqin vazhdimisht publikun.
Të mirë a të këqij, kushdo ka dhënë kontribut për formimin e shtetit, ka shënjuar vepra e ka bërë kthesë në historinë e tij. Kjo përbën në thelb një fakt po aq të pandryshueshëm. Se si kanë qenë ata si udhëheqës, kjo mbetet në gjykimin e historianëve, studiuesve, filozofëve të kohës, për t’i dhënë ngjyresat e duhura.
Sot shënohen 31 vjet nga vdekja e Enver Hoxhës, ish-udhëheqësit të regjimit komunist shqiptar për 41 vite me radhë.
Në të zbardhur të 11 Prillit të vitit 1985, Enver Hoxha ndërroi jetë në shtëpinë e tij, pas një vdekjeje klinike që ndodhi mëngjesin e 10 Prillit.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
