Shqipëria ka qënë në fokus të udhëtimit të Thomas W. Hodgkinson, i cili përshtypjet e tij për vendin i ka shkruar në Daily Mail Travel.
“Pamje e bukur, njerëz simpatikë dhe lirë sa patatinat. Shqipëria është bërë për të shijuar pushime familjare”, e ka titullin reportazhi, që nis me pyetjen “A është Shqipëria një vend i mërzitshëm?”
“Unë udhëtova nga kryeqyteti, Tirana, me gruan time dhe djalin e mitur. Ajo që pashë ishte ç’rregullsia arkitektonike dhe që m’u duk më pak joshëse se e Belgjikës. Pastaj vinin malet. Në fund të shfaqej qyteti i gurtë i Gjirokastrës, i shkrirë poshtë malit dhe një kështjellë e madhe imponuese. Pamje të bukura, njerëz simpatikë dhe çmime të lira mund të gjesh kudo në Europë. Gjirokastra ka një pamje ngjitëse me malin bashkuar me kështjellën, ashtu si askush nuk e ka menduar. Veliu, pronari i vjetër i Hotel Gjirokastra na trajtoi me një mirësjellje të pamasë. Ai nuk dinte asnjë fjalë anglisht, por djali i tij i ri, Qazimi, i jepte një dorë në përkthim. E merrni me mend gëzimin tonë kur na thanë se dhoma jonë luksoze do të kushtonte vetëm 44 paund nata. Dhoma ishte me tavane druri të gdhendur dhe me orendi antike”, vijon rrëfimin turisti.
Edhe pse thotë se Gjirokastra është shumë afër me kufirin dhe në Korfuz arrin për më pak se një orë, Thomas sugjeron Shqipërinë, pasi kushton më lirë. “Gjirokastra është vetëm 30 km nga kufiri ku mund të shkosh drejt ishullit grek të Korfuzit ku arrin në më pak se një orë. E bëra edhe unë këtë rrugë. Atje një dhomë do të kushtojë mijëra euro në javë ndërsa në Shqipëri disa qindra. Pazari i Vjetër është një labirint rrugësh dhe dyqanesh që shesin objekte të vjetra dhe antikuarë të kohës së komunizmit. Papritur e kuptuam se po blinim tapetë. Fillimisht menduam për të marrë vetëm një, por me atë çmim morëm një të madh dhe një më të vogël”, shprehet më tej në reportazh.
“Gjirokastra është shumë afër Butrintit, një pasuri botërore e Unesco. Më pas është Syri i kaltër, një vend i bukur për notuesit, ku uji i ftohtë del nga thellësia. Është shumë afër Saranda për ata që duan detin dhe bregun apo klubet e natës së Korfuzit. Pjesa më e rëndësishme e udhëtimit tonë në Gjirokastër ishte vetë Gjirokastra. Të huajt e tjerë që takuam ishin njerëz të aventurës. Këshilla ime? Prenotoni një dhomë sa më shpejt në Gjirokastër para se gjërat të ndryshojnë”, përfundon rrëfimin Thomas.
http://www.dailymail.co.uk/travel/article-4119590/Beautiful-scenery-charming-people-cheap-chips-Albania-makes-tasty-family-treat.html
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
