Orizi nuk është ushqimi më i lehtë për t’u gatuar dhe shpesh gatuhet në mënyrë shumë të gabuar. Mos gatimi i orizit siç duhet nuk është thjesht i pakëndshëm për t’u ngrënë, por mund të jetë edhe i rrezikshëm. Shkencëtarët kanë treguar se orizi para se të gatuhet duhet të lihet një natë në ujë për të larguar helmin arsenik që përmban.
Kimikatet kontaminojnë orizin si rezultat i toksinave industriale dhe pesticideve të cilat mund të qëndrojnë në tokë për dekada. Kufijtë e rinj mbi nivelet e arsenikut të lejuar u vendosën nga BE në vitin 2016, pas hapjes së debatit se sa arsenik duhet të konsumojnë njerëzit që të mos helmohen. Ekspozimi kronik ndaj toksinës ka qenë i lidhur me një mori problemesh shëndetësore, përfshirë sëmundjen e zemrës, diabetin dhe kancerin. Eksperimentet sugjerojnë se mënyra se si gatuhet orizi është thelbësore për uljen e ekspozimit ndaj kimikateve toksike.
Profesori Andy Meharg, nga Universiteti i Queens Belfast, testoi tre mënyra të ndryshme të gatimit të orizit. Në provën e parë, ai përdori një raport prej dy gota ujë me një gotë oriz, ku uji ishte valuar para se të hidhej tek orizi. Në provën e dytë, me pesë gota ujë me një gotë oriz. Nivelet e arsenikut pothuajse u përgjysmuan. Dhe në metodën e tretë, ku orizi ishte lënë në ujë gjithë natën, nivelet e toksinës u ulën rreth 80%.
Gjithashtu bëni shumë gabim që pas gatimit të orizit ta ringrohni sërish, mund të jetë më toksike se mishi i pjekur. Ka rreziqe të fshehura në kuzhinën tuaj dhe në orizin që përgatisni. Një pjesë e vakteve tona mund të jenë një nga fajtorët më të mëdhenj. Dhe nuk është vetëm kuzhina juaj për të cilën duhet të jeni të kujdesshëm, njerëzit gjithashtu mund të rrezikojnë të helmohen edhe nga ushqimi apo pijet nëpër restorantet e tyre të preferuar apo edhe duke përfunduar në ngrënien e një ushqimi kinez në mbrëmje.
Një periudhë e keqe e helmimit nga ushqimi mund të shkaktojë të vjella, diarre dhe dhimbje barku. Simptoma të tjera mund të përfshijnë mungesën e energjisë, humbjen e oreksit, një temperaturë të lartë, të dridhura dhe dhimbje muskujsh. Në disa raste ekstreme, simptomat gjithashtu mund të çojnë në dehidrim dhe madje edhe vdekje.
Burimi / OraNews
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
