Për edukimin seksual nuk ka kohë dhe moshë të përcaktuar. Në momentin kur fëmija pyet “si kam lindur unë?” dhe kjo pyetje bëhet rreth moshës 2-3 vjeç, specialistët këshillojnë t’i tregohet e vërteta dhe ky është momenti i parë, i edukimit seksual.
Nga Lira Gjika
Pediatre
Të edukosh një fëmijë në drejtim të seksit, do të thotë ta ndihmosh atë të njohë dhe ndërtojë vetveten. Perceptimi i parë seksual, bëhet rreth moshës 2 vjeç. Tek vajza është kur fillon të interesohet për tualetin si nëna e saj. Pra ajo identifikohet me nënën si femër. Ndërsa djali shfaq kuriozitet, të shohi nënën e tij për të kuptuar ndryshimin. Ose kur një djalë dhe një vajzë urinojnë të dy dhe shohin njëri tjetrin, pse njëri e bën në këmbë dhe tjetri ulur.
Të rriturit duhet të jenë të kujdesshëm në etikën e të folurit kur i shpjegojnë fëmijës seksualitetin. Ata duhet të zgjedhin fjalët. Gjithashtu të rriturit duhet të jenë shumë të vëmëndëshëm kur flasin mes tyre sidomos në prezencë të fëmijëve, pasi shpesh nuk i kontrollojnë fjalët dhe gjestet.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
