Cilat janë avantazhet e leximit që ne kurrë nuk duhet t’i nënvlerësojmë? Leximi është i mirë për mendjen dhe trupin, duhet ta kujtojmë më shpesh këtë gjë. Gjithashtu, sepse në Shqipëri lexojmë gjithnjë e më pak. Dhe ne nuk duhet gjithmonë ta drejtojmë gishtin tek brezat e rinj. Edhe të moshuarit harrojnë se sa e rëndësishme është të lexosh një libër të mirë.
Leximi është i mirë
“Ata që nuk lexojnë, në moshën 70 vjeçare do të kenë jetuar vetëm një jetë: të tyren. Ata që lexojnë do të kenë jetuar 5,000 vjet”, ka thënë Umberto Eko. Dhe ai kishte absolutisht të drejtë. Sepse leximi është absolutisht mirë. Për mendjen dhe gjithashtu për trupin.
Një studim i kohëve të fundit i kryer nga botuesi Bruno Editore në një mostër prej rreth 2,000,000 klientësh na tregon se leximi i të paktën tre librave në vit është i mirë. Në të vërtetë, ai bën shumë, shumë mirë. Por cilat janë përfitimet që duhen marrë parasysh?
Leximi na bën më të zgjuar
Umberto Eko argumentoi se, falë leximit, mund të shpresonim që të kishim jetuar shumë vite dhe madje edhe shumë jetë të ndryshme, falë protagonistëve të librave. Por ata që e duan leximin, gjithashtu pohojnë se një libër na bën më të shkëlqyeshëm, më të vitalë, më shumë kuriozë. Dhe edhe më të hapur ndaj të tjerëve.
Leximi mban mendjen gjithmonë të stërvitur
Një pjesë e asaj që ndodh nëse bëjmë fjalëkryqe dhe gjëra të tjera të ngjashme çdo ditë. Leximi ndihmon trurin tonë të qëndrojë i aftë dhe i shëndetshëm. Sepse nuk është vetëm trupi ynë që ka nevojë për trajnim të përditshëm.
Leximi na bën të lumtur
A duhet me të vërtetë të shpjegojmë pse? Leximi i një libri hap një mijë botë të ndryshme. Kjo na lejon të mësojmë për gjëra të reja, për të konfirmuar disa nga idetë tona, për të zbuluar shumë. Dhe faqe pas faqe na jep momente të vërteta lumturie.
Leximi mban stresin larg
Sondazhi i botuesit të Bruno Editore zbulon se në 75% të atyre që lexojnë më shumë ka një përmirësim në shkollë dhe në punë. Përveç kësaj, ata që lexojnë 3 deri 5 libra kanë një nivel më të ulët të stresit sesa ata që lexojnë një libër apo asnjë në vit. Të dhënat gjithashtu konfirmohen nga një studim i Universitetit të Sussex.
Burimi / Bota.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
