Vaji i livandës është padyshim një nga më të përdorurit si në mjekësinë natyrore ashtu edhe në kozmetikë, falë vetive të tij të shumta. Aroma është shumë e këndshme, për këtë arsye përdoret gjithashtu si aromatizues ajri.
Livanda ka veti relaksuese dhe anti-inflamatore, është shumë e gjithanshme dhe mund të përdoret për përgatitjen e shumë ilaçeve për lëkurën. Kjo bimë aromatike ka veti detoksifikuese, antiseptike, hidratuese, shëruese dhe eksfoluese. Është e shkëlqyeshme për heqjen e qelizave të vdekura, plagët dhe njollat e lëkurës, por edhe për mbrojtjen, hidratimin dhe dezinfektimin e saj.
Së fundi, aroma e livandës gjeneron një ndjenjë relaksimi dhe mirëqenieje, kjo është arsyeja pse vaji është një ilaç i shkëlqyeshëm edhe për ankthin, stresin dhe pagjumësinë.
Përbërësit e vajit të livandës: lule livande, vaj bajame, kavanoz qelqi të errët me kapak hermetik, një shtypëse dhe një tenxhere.
Vendosni lulet e freskëta të livandës në diell për disa orë, dhe më pas shtypini pak ato. Mos i shtypni shumë, sepse mund të humbasin thelbin e tyre. Vendosni vajin e bajames në një tigan dhe ngroheni në nxehtësi të ulët (rreth 750 ml vaj për çdo 50 gram lule). Sapo vaji të jetë ngrohur, hidhni lulet e thata dhe gatuajini me një nxehtësi shumë të ulët për 2 ose 3 orë.
Pasi të ketë mbaruar koha e caktuar, filtroni vajin dhe ruajeni në një kavanoz qelqi të errët me një kapak hermetik. Vajin e përftuar ruajeni në një vend të errët dhe të freskët. Vaji i livandës është gati të përdoret për të kryer masazhe, për ta aplikuar në flokë dhe lëkurë ose për të aromatizuar mjediset.
Burimi / https://www.rimedio-naturale.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
