Selinoja është shumë e pasur me fibra, e cila mund të na bëjë të ndjehemi të ngopur. Kjo është arsyeja pse ne nuk mund të hamë shumë prej saj në një vakt. Kur e bëjmë lëng, ne i heqim fibrat dhe mund të shtrydhim rreth një gjysmë tufë në një gotë. Duke marrë parasysh që selinoja është e pasur me vitamina, minerale dhe gjëra të tjera, ky lëng nuk është vetëm një pije e shijshme, por është edhe një shtesë shumë e shëndetshme për një dietë të rregullt.
Ju lutemi, mbani në mend se fibra është thelbësore për mirëqenien tonë dhe lëngu i selinos nuk duhet të përdoret kurrë në vend të një vakti. Ne gjithmonë kërkojmë mënyra të ndryshme për të qëndruar të shëndetshëm dhe me zor presim t’ju flasim për përfitimet e këtij lëngu.
Parandalon problemet e shikimit.
Selinoja është shumë e pasur me vitaminë A dhe kjo vitaminë luan një rol kritik për shikimin. Mbron sipërfaqen e syrit nga bakteret dhe viruset. Vitamina A gjithashtu ndihmon për të parandaluar zhvillimin e problemeve të shikimit të lidhura me moshën si kataraktet.
Zvogëlon rrezikun e kancerit.
Selinoja përmban luteolinë dhe studiuesit zbuluan se ky element dobëson qelizat e kancerit dhe i bën ato më të ndjeshme ndaj trajtimit. Selinoja është përdorur në mjekësinë kineze si një agjent anti-kanceroz për një kohë të gjatë.
Neutralizon ushqimin acidik.
Selinoja është e pasur me elemente si hekuri, magnezi dhe natriumi që i japin lëngut të selinosë vetitë e tij të forta alkalizuese. Me fjalë të tjera, ajo mund të neutralizojë ushqimet acidike duke ndihmuar kështu të ruajmë një ekuilibër të shëndetshëm të pH në trupin tonë.
Konsumimi i shumë ushqimeve acidike mund të shkaktojë të gjitha llojet e problemeve shëndetësore si përkeqësimi i kockave, gurët në veshka dhe problemet e mëlçisë dhe zemrës. Dhe për shkak se shumë ushqime që hamë çdo ditë janë acidike, duke shtuar lëng selinoje në rutinën tuaj të përditshme mund të ndalojë krijimin e disa prej atyre problemeve.
Rregullon ekuilibrin e lëngjeve.
Selinoja është shumë e pasur në kalium dhe ky mineral luan një rol të rëndësishëm në shumë procese në trupin tonë. Shkencëtarët besojnë se kaliumi është minerali i tretë më i rëndësishëm për trupin tonë.
Ne jemi bërë nga rreth 60% ujë dhe 40% e këtij uji gjendet brenda qelizave tuaja, ndërsa pjesa tjetër është jashtë qelizave, në lëngun tuaj kurrizor, gjak dhe midis qelizave tuaja. Ky nivel uji brenda dhe jashtë qelizave tuaja është kritik dhe preket nga përqendrimi i elektroliteve.
Kaliumi shpërndahet në ujë dhe sillet në sistemin tonë si një elektrolit me ngarkesë pozitive, duke rregulluar nivelin e ujit brenda qelizave.
Parandalon diabetin e tipit 2.
Diabeti i tipit 2 po bëhet një çështje serioze shëndetësore për botën moderne. Vlerësohet se deri në vitin 2030, më shumë se 400 milion njerëz në të gjithë botën do të vuajnë nga kjo sëmundje.
Selinoja është një nga mënyrat natyrale për ta parandaluar atë të mos ndodhë. Ajo përmban shumë vitaminë K dhe një studim ka vërtetuar se vitamina K përmirëson ndjeshmërinë tonë ndaj insulinës.
Është i pasur me acid folik
Folati është një nga vitaminat e grupit B dhe është një element thelbësor për qelizat e kuqe dhe të bardha të gjakut në palcën e eshtrave, ai gjithashtu luan një rol të rëndësishëm në shndërrimin e karbohidrateve në energji, prishjen e proteinave dhe prodhimin e ADN-së.
Vetëm një filxhan lëng selino përmban 145 mikrogramë acid folik që është mbi 36% e konsumit të rekomanduar për burra dhe gra, dhe 29% për gratë shtatzëna dhe ato që ushqejnë me gji.
Burimi / http://supershendeti.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
