Bamjet janë perimet e sezonit. Ato janë një burim i mirë i mineraleve, vitaminave dhe fibrave. Lëngu karakteristik që përmbajnë mund të përdoret edhe për salcat e trasha. Bamja konsiderohet si perime të cilën ose e dashuron ose e urren, nuk ka rrugë të mesme.
Ajo ofron një gamë të gjerë të përfitimeve shëndetësore. Bamja është një perime me ngjyrë të gjelbër, në formën e gishtave, me një lëng karakteristik të trashë. Përmban fibra, folatë, vitaminë K, A, B6, C, acid folik, kalcium, zink. Përmbajtja e saj ushqyese ndihmon në shëndetin e zemrës, forcimin e kockave dhe mbrojtjen nga kanceri.
-Ushqimi me bazë bamjesh këshillohet për gratë shtatzëna, për shkak të acidit folik që ka në përbërje. Acidi folik është jetik në zhvillimin e fëmijës mes javës së 4 dhe 12.
-Fibra që gjendet tek bamjet ndihmon në stabilizimin e nivelit të glukozës dhe kolesterolit, forcon strukturën e enëve të gjakut dhe eviton shfaqjen e akneve në fytyrë.
-Kaliumi dhe kalciumi që përmbajnë bamjet janë të nevojshme për shëndetin e mirë të zemrës dhe qarkullimin normal të gjakut.
-Një filxhan bamje përmban 0.45 mg hekur i cili ndihmon në prodhimin e hemoglobinës.
Burimi / shendeti.com.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
