Hudhra e zezë mund të duket si diçka që duhet të heqësh qafe nga kuzhina, por në disa vende është vërtetë e dobishme, madje përdoret nga restorante të nivelit të lartë, për të përmirësuar shijen e ushqimit. Ajo vjen nga hudhra e rregullt e ekspozuar ndaj temperaturave të larta, për një periudhë prej tri deri në katër javë. Ky proces e bën hudhrën në ngjyrë të errët.
Hudhra e zezë është përdorur gjerësisht në pjatat e këndshme dhe të ëmbla. Disa kuzhinierë e përdorin këtë përbërës unik në mish dhe ëmbëlsira për aromë shtesë.
Japonia, Koreja e Jugut dhe Tajlanda janë ndër vendet që kanë përdorur prej kohësh hudhrat e zeza për gatim. Por ajo ka marrë vëmendje në të gjithë Azinë dhe SHBA gjatë viteve të kaluara.
Përfitimet shëndetësore të hudhrës së zezë duken të ngjashme me ato të papërpunuara. Por hudhra e zezë përmban sasi më të larta të antioksidantëve dhe jep një shije dhe aromë tjetër. Hudhra e zezë është gjithashtu një burim i mirë i kalorive, proteinave, fibrave, hekurit, vitaminës C dhe kalciumit.
Burimi / https://www.gazeta-shqip.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
