Kungulli është perime shumë e mirë e vjeshtës, por në periudhën e Hallouinit shndërrohet në një ‘super star’ të vërtetë. Nëse kemi rënë pre e insistimeve të fëmijëve, apo kuriozitetit nëse ia dalim të gërryejmë një kungull për ta bërë abazhur të frikshëm, do të kemi në dispozicion shumë tul, të gjithin për ta shfrytëzuar.
Tulin e kungullit mund ta përdorim për të bërë supra, apo për antipastë të stinës, pse jo edhe për të mbushur makaronat. Kungulli mund të përdoret edhe si kozmetikë natyrale, në avantazh të lëkurës sonë.
Përfitimet e ngjyrës portokalli – Me ngjyrën e tij të gëzueshme, ky vegjetal, sjell humor të mirë në tavolinë. Kungulli është shumë i pasur me beta karoten dhe flavonoidë, të nevojshëm për të luftuar plakjen e qelizave. Gjithashtu është i pasur me fibra, ndaj rregullon aparatin gastro-intestinal, mbron sistemin imunitar dhe zhvillon një aksion antioksidant.
Farat e tij janë të pasura me vitaminë E dhe janë të nevojshme për të eliminuar shqetësimet në traktin urinar, sidomos në funksionimin sa më mirë të prostatës. Përmbajnë edhe sasi të triptofanit, substancë që ndihmon në prodhimin e serotoninës, e dobishme kundër pagjumësisë dhe depresionit. Për të shijuar përfitimet e farave të kungullit, mjafton t’i piqni në furrë dhe t’ia shtoni sallatës apo gotës së kosit që do konsumoni. Sasia e rekomanduar për konsum është 10 gramë në ditë.
Cilësitë – Kungulli, përveç beta karotenit dhe fibrave, ka një përmbajtje të lartë të vitaminave A dhe C, kripërave minerale dhe Omega3, yndyrnat e dobishme, të cilat ndihmojnë në uljen e kolesterolit.
Ka edhe veti antioksiduese, përmirëson lëkurën, ndihmon në forcimin e thonjve dhe flokëve, ndihmon zemrën, lufton infeksionet, ul pagjumësinë dhe stresin. Vlen edhe në regjimet hiperkalorike, pasi ka vetëm 18 kalori për 100 gramë produkt. Kjo është e mundur, duke qenë se përmban shumë ujë: deri në 94,5%. Karbohidratet nuk kalojnë 3.5%, ndërkohë që proteinat, janë shumë të pakta, vetëm 1.1%.
Yndyrnat mungojnë. Pra, kungulli ka aftësi të mira diuretike, ndaj ndihmon organizmin në luftën ndaj celulitit. Shija e tij e ëmbël ndihmon të shmangim ëmbëlsirat kur jemi në dietë.
Vlen i gjithi, nuk hidhet asgjë nga kungulli – Jo të gjithë e dinë se lëkura e kungullit mund të përdoret: Në disa receta të kuzhinës italiane kungulli mund të gatuhet i gjithi, bashkë me lëkurën. Në të gjenden shumë cilësi ushqyese, me aftësi antibiotike dhe antifunge. Edhe lulet e kungullit janë të ngrënshme: Mund të konsumohen në omletë me vezë, apo thjesht të skuqura.
Për bukuri – Tuli mund të përdoret edhe si maskë bukurie e bërë vetë. Mjafton ta shtypësh, apo të përdorësh tulin që ke përftuar nga centrifugimi në blender. Përzihet në një enë bashkë me kos dhe mjaltë dhe përftohet një pastë e butë që aplikohet në lëkurë dhe duhet mbajtur 20 minuta.
Kungulli ngadalëson plakjen e lëkurës dhe ka efekt ushqyes, sidomos tek lëkura e thatë, dhe cilësi pastruese në lëkurën e yndyrshme. Falë beta karotenit, tuli i kungullit, si për ta ngrënë, si në kozmetikë, është i vlefshëm edhe për ngjyrën e lëkurës, apo për të shmangur djegien e saj para ekspozimit në diell.
Burimi / OraNews
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
