Nuk ka rëndësi nëse janë letër apo në formë elektronike, librat mund të jenë me të vërtetë miqtë tanë më të mirë. Leximi është një mënyrë e shëndetshme dhe fitimprurëse për të menaxhuar kohën, hap horizonte të reja, zbulojmë gjëra të reja dhe stimulojmë kuriozitetin tonë.
Një libër i mirë është gjithashtu një shok udhëtimi që nuk ju lë asnjëherë vetëm. Ai na jep mundësinë të jetojmë një jetë paralele duke harruar të tashmen të paktën për pak kohë. Dhe të lexuarit na ndihmon jo vetëm të kalojmë kohën në mënyrë konstruktive por ofron edhe shumë përfitime për trupin dhe mendjen.
Qetësi e plotë. Një romanë i bukur është i aftë të marrë të gjithë vëmendjen tonë duke na larguar nga problemet e përditshme. Një studim i Univestitetit të Sussex ka treguar se leximi është më efikas sesa muzika si një mënyrë për të luftuar stresin. Mjaftojnë 6 minuta lexim në heshtje për të ngadalësuar frekuencat kardiake dhe për të çliruar tensionin e muskujve.
Të lexuarit është një ushtrim perfekt për mendjen, i nevojshëm për të mbajtur trurin tonë të ri. Leximi mban aktiv memorien duke ndikuar pozitivisht që të mbajmë larg sëmundjet gjenerative si Alzheimer. Studiuesit nga Kalifornia shpjegojnë se gjatë leximit, gjaku në tru rritet, sepse leximi e angazhon tërësisht mendjen.
Leximi i një libri stimulon përqendrimin si dhe është një terapi shumë e mirë për t’u kujdesur për veten duke na dhënë mundësi të përmirësojmë humorin. Libri na mëson gjëra të reja, na mëson më shumë për gjuhën tonë por edhe për gjuhët e huaja. Për më tepër po ta mendoni librat kushtojnë shumë pak qoftë ata në letër qoftë elektronikët. Dhe duke parë përfitimet nga leximi i një libri është koha të uleni dhe të lexoni sigurisht kur keni kohë dhe nëse nuk keni, me siguri do ta gjeni, mjafton të keni dëshirë dhe të jeni të vendosur.
Burimi / Intv.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
