Karotat janë një nga ushqimet më të shëndetshme që mund të konsumoni. Kanë një shije të ëmbël dhe janë të kënaqshme për t’u përtypur. Ato janë gjithashtu të pasura në vitamina, antioksidues dhe fibra, të cilat mund të zvogëlojnë rrezikun e zhvillimit të kancerit, sëmundjeve të zemrës dhe diabetit të tipit 2. Ja për çfarë ndihmojnë karotat:
Beta karotene. Karotat janë një burim i pasur i beta karotene, i cili është një antioksidues i fuqishëm me shumë përfitime shëndetësore. Në trup, beta karotene konvertohet në vitaminë A për të ruajtur lëkurën e shëndetshme. Studimet tregojnë se beta karotene gjithashtu mbron mushkëritë kundër toksinave që çojnë në zhvillimin e kancerit.
Kjo lëndë ushqyese ndihmon sidomos ish-duhanpirësit për të ulur rrezikun e zhvillimit të kancerit të mushkërive dhe stomakut. Ushqime të tjera të larta në beta karotene janë spinaqi dhe patatet e ëmbla.
Tretja. Trupi ka nevojë për disa minerale, vitamina, fibra dhe enzima të domosdoshme për të fuqizuar procesin e tretjes dhe karotat i kanë ato. Karota ka sasi të barabarta të fibrave të tretshme dhe të patretshme, të cilat ndihmojnë për të nxitur ushqimin përmes sistemit të tretjes. Karotina rrit shëndetin e limfociteve, qelizave që luftojnë kundër patogjenëve.
Shëndeti dentar. Karota mund të ndihmojë të mbani dhëmbët dhe mishrat e shëndoshë në shumë mënyra. Karota gjithashtu stimulon prodhimin e pështymës, e cila ndihmon për të mbajtur nën kontroll bakteret në gojë. Kapaciteti i tyre alkalin mund të balancojë pH në gojë.
Burimi / shendeti.com.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
