Sipas një studimi suedez të kryer nga Universiteti i Uppsala dhe i botuar në revistën mjekësore “Scientific Reports”, pas analizimit të mbi 3.4 milionë suedezëve: qeni në shtëpi është i mirë për zemrën dhe më gjerë.
Një angazhim me shumë aspekte pozitive
Të pasurit një qen në shtëpi do të thotë para së gjithash një angazhim i rëndësishëm dhe i vazhdueshëm. Një përgjegjësi që në mënyrë të pashmangshme e kushtëzon dhe shënon ditën. Megjithatë, ka shumë aspekte pozitive për të pasur një qen në shtëpi. Shëndeti duket të jetë mbi të gjitha, veçanërisht nëse kafsha në fjalë është një qen, por përfitimet janë gjetur edhe me macet.
Ndihmon në të qëndruarit në formë
Rezultatet e hulumtimit suedez kanë theksuar sesi të pasurit një qen është një nga mënyrat më të mira për të qëndruar aktiv, për të ruajtur formën dhe mbi të gjitha për të ulur rrezikun e sëmundjeve kardiovaskulare dhe stresit.
Avantazhe edhe për të vegjlit
Lidhja e fortë e vendosur midis qenit dhe të zotit është diçka unike dhe e pazëvendësueshme. Kjo është e vërtetë edhe për të vegjlit. Ndarja e fëmijërisë me një qen i ndihmon ata, të parandalojnë ankthin dhe të rrisin vetëbesimin e tyre. Disa kërkime kanë zbuluar gjithashtu se fjetja pranë qenit ju lejon të pushoni më mirë dhe të gëzoni siguri dhe qetësi më të madhe.
Edhe presidenti kombëtar i Shoqërisë Italiane të Mjekësisë së Përgjithshme, Claudio Cricelli, thotë se në rastin e çrregullimeve psikosomatike, shpesh sugjerohet marrja e një qeni në shtëpi.
Burimi / pernenat.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
