Dua Lipa është përzgjedhur si imazh i fushatës reklamuese të “Versace” për vjeshtën 2021.
Në fotot që do të zbulohen duke filluar nga sot, këngëtarja shqiptare me famë botërore shihet me flokë të gjatë dhe në ngjyrë të kuqe, shkruan “Yahoo”.
Fakti që Lipa nuk kishte asnjë problem në lidhje me lyerjen e flokëve për setin fotografik tregon se artistja ka shumë vetëbesim, tha Donatella Versace.
“Por ajo gjithashtu më besoi kur e pyeta, ajo nuk hezitoi,”- tha projektuesja e fushatës.
Versace është intriguar nga ngjyra, e cila nuk mungon as tek flokët e Gigi Hadid tek videoja ku prezantohet koleksioni i vjeshtës. “Biondia ishte banale, edhe pse unë jam bionde”,- tha ajo, përsëri duke qeshur, “dhe e kuqja e zjarrtë është një simbol i pasionit dhe forcës.”
Versace u takua për herë të parë me Lipën në shfaqjen “Versus” në Londër, në shkurt 2017 dhe këngëtarja ka veshur këtë markë që prej asaj kohe në disa raste kryesore.
Donatella tha se Lipa është “shumë inteligjente”, dhe gjithmonë ka bërë “pyetje interesante dhe të drejtpërdrejta”, dhe për sa i përket modës, gjithmonë ka ditur se çfarë do t’i bënte lajka asaj më shumë.
“Ajo e njeh veten shumë mirë,”- tha ajo.
Versace, megjithatë, tha se gjithmonë përpiqet të përshtasë stilin e saj me personin dhe personalitetin, duke shkëmbyer ide dhe pikëpamje.
“Unë propozoj pamje, por askush nuk ka thënë kurrë jo”,- tha ajo duke ngritur supet. Ajo pranoi se Lipa madje e ka frymëzuar atë të eksperimentojë me dizajne të reja.
“Versace” u impresionua gjithashtu nga aftësitë e modelimit të Lipës gjatë xhirimit.
“Ajo është shumë eklektike dhe askush nuk i tha asaj se çfarë të bënte, ajo ishte shumë instiktive dhe interpreton veshjen”,- shtoi ajo.
Burimi / PanoramaPlus
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
