Numërimi mbrapsht i pritjes së Krishtlindjes tashmë ka filluar. Axhenda jonë fillon të popullohet me ahengje, aperitivë dhe darka për të shkëmbyer dhurata. Si çdo vit ekziston edhe problemi për të shijuar shoqërinë e miqve dhe të afërmve përreth tavolinave me gjëra të mira, por pa e dënuar veten për javë të tëra me sakrifica ushqimore, në mënyrë që të shmangni kilet e tepërta. Në fakt, me pak kujdes dhe duke ndjekur disa rregulla të thjeshta ushqyerje, ne mund të mbajmë nën kontroll ngarkesën kalorike të Krishtlindjes.
Brokoli – Përveç tij; rukola, lulelakra, lakra romake, lakra e Brukselit, preshi dhe rrepat) janë agjentë të shkëlqyeshëm detoksifikues, të aftë të ndihmojnë trupin tonë të heqë qafe mbeturinat dhe të lehtësojë proceset e tretjes. Nëse era e tyre karakteristike gjatë gatimit na shqetëson, ne mund t’i konsumojmë të papërpunuara në sallatë. Në këtë mënyrë trupi ynë përthith lehtësisht klorofilin, i cili ka efekte të shkëlqyera detoksifikuese. Sekreti i brokolit është Boroni, një element që ndihmon në rregullimin e kalciumit në kocka dhe aktivizimin e metabolizmit.
Speci djegës – Tani është një fakt shkencor: specat djegës zvogëlojnë qelizat yndyrore: merita është e kapsaicinës, një përbërës aktiv që ngre temperaturën e trupit, rrit djersitjen dhe përshpejton ritmin e metabolizmit, duke promovuar humbjen e peshës. Efektet zgjasin nga 20 minuta në 6 orë dhe mund të përmirësohen nëse ushtroheni. Mund të merret edhe me shtesa speciale që duhen konsumuar para stërvitjes. Speci djegës është gjithashtu një erëz që “ngroh zemrën”, duke parandaluar formimin e mpiksjes dhe uljen e kolesterolit.
Çaji jeshil – Emri botanik është Camellia sinensis dhe është një përkëdhelje e vërtetë për gjendjen shpirtërore, si dhe për shëndetin, veçanërisht në ditët e ftohta të dimrit. Kjo pije e çmuar kullon lëngjet e tepërt, nxit eliminimin e toksinave, mban nën kontroll nivelin e kolesterolit dhe, falë katekinave ka një fuqi të caktuar ngopëse.
Spirulina – Më e njohur për momentin është Spirulina, por të gjitha algat janë të çmuara. Ato ofrojnë përfitime të mëdha shëndetësore dhe promovojnë humbje peshe falë fenilalaninës, një aminoacid thelbësor që rrit ndjenjën e ngopjes dhe kundërvepron urinë nervore. Prania e qëndrueshme e klorofilit gjithashtu ndihmon në oksigjenimin e indeve, përfshirë ato nervore.
Kanella – Një nga erzat më të dobishme gjatë Krishtlindjes është kanella, sepse luan një rol të rëndësishëm në metabolizmin e yndyrnave dhe ndërhyn në rregullimin e thithjes së sheqernave. Por është mirë që gjithashtu të konsumoni spec të zi dhe shafran të Indisë. E para ka qenë e njohur me shekuj për rolin e saj si “aktivizues” dhe përdoret në ilaçet e lashta tradicionale, pasi promovon tretjen, ndihmon në kontrollin e hipertensionit dhe aktivizon metabolizmin falë piperinës. Shafrani i Indisë në bashkëpunim me dy erëzat e tjera rrit përfitimet dhe falë vetive të tij antioksiduese, ndihmon trupin të detoksifikohet vetë.
Burimi / https://www.tgcom24.mediaset.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
