Coleen Nolan ka disa këshilla shumë të nevojshme për një grua që së fundmi zbuloi se i dashuri i saj i ri, është në të vërtetë në një martesë të hapur.
E dashur Coleen
Unë jam një grua në fillim të të 30-ave dhe kohët e fundit fillova të takohesha me një djalë vërtet të mrekullueshëm, i cili pranoi në takimin tonë të parë se ishte në një martesë të hapur. Ai tha se gruaja e tij dhe vet ai janë të lirë të shohin njerëz të tjerë, por kanë disa kufij, të mos sjellin takime në shtëpi dhe t’i tregojnë tjetrit nëse gjërat bëhen serioze me dikë tjetër. Në fillim isha pak e tronditur, pasi nuk kisha qenë kurrë në këtë situatë të tillë më parë, por kishte diçka që më pëlqente shumë tek ai djalë. Unë kam biseduar me meshkuj të tjerë nëpërmjet intënetit, por nuk kam njohur askënd si ai. Ai është i ëmbël, qesharak, i pashëm dhe i shoqërueshëm. Unë nuk kam asnjin tjetër në jetën time tani, kështu që a do të ishte gjëja më e keqe të vazhdoj ta shoh atë? Ia kam përmendur disa miqve që nuk mund ta besojnë se po e mendoj, por pse jo nëse jam beqare dhe nuk kam takuar dikë tjetër? A po mashtroj veten?
Coleen
Nga letra juaj është e qartë se ju pëlqen vërtet ky djalë dhe nëse përfshiheni më shumë, rreziku është që të bini në dashuri dhe do të filloni të dëshironi angazhimin e duhur. Është e mrekullueshme për të, duke shijuar martesën e tij të hapur (do të doja të mendoj se gruaja e tij e ka konfirmuar këtë), por çfarë do të përfitoni vërtet nga kjo? Thjesht nuk e di pse pome merrni këtë rrisk, kur ka shumë djem të bukur atje jashtë që janë beqarë. Mund të jetë duke shkuar mirë tani, por nuk është një marrëveshje e barabartë, nuk mund të shkosh kurrë në shtëpinë e tij ose të takosh familjen e tij, madje as të planifikosh një të ardhme. Nëse mund t’i kontrolloni emocionet tuaja dhe thjesht të jeni në këtë marrëdhënie për seksin emocionues, atëherë mirë. Megjithatë, nuk njoh shumë njerëz që mund ta bëjnë këtë, edhe nëse mendojnë se munden.
Përgatiti K.I / Burimi www.mirror.co.uk
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
