Fëmijët sot janë të ekspozuar ndaj ekranit televiziv dhe elektronik më shumë se kurrë më parë. Një studim i ri tregon se ka më shumë dobi për fëmijët, kur prindërit kanë një rol aktiv dhe janë të pranishëm gjatë kohës kur fëmijët e tyre shikojnë TV.
Kolegji i Medias dhe departamentit të Komunikimit në Texas zbuloi se ka një ndryshim të rritur fiziologjik tek fëmijët, që shohin programet me prindërit e tyre, në krahasim me fëmijët që qëndrojnë larg nga prindërit në dhoma të veçanta.
Prania e prindërve kur fëmijët shohin televizor ndikon aftësitë e tyre të të mësuarit. Fëmijët bëhen më të interesuar në veprimtaritë kur prindërit e tyre janë të përfshirë. Së bashku prind-fëmijë përcaktojnë rëndësinë e programit dhe u japin fëmijëve një kuptim më të mirë rreth tij. Nëse prindërit shikojnë me ta u mësojnë fëmijëve shumë gjëra, rreth dhunës, gjinisë, gjuhës, apo çfarëdo tjetër.
Kjo me të vërtetë tregon se prindërit duhet të jenë më të vetëdijshëm për ndikimin e tyre tek fëmijët. Sipas studiuesve nuk është media që po portretizon gjërat e këqija, por mungesa e përfshirjes së prindit për të ndihmuar fëmijën të bëjë dallimet.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
