Ky është mesazhi i plotë i Princeshës Anne, vajza e vetme e Mbretëreshës Elizabeth dhe Princit Philip. Titullin e lartësisë mbretërore e mori menjëherë pas ardhjes në fron të nënës së saj dhe që në moshë të vogël vazhdoi pasionin e saj për kalërimin (fitoi dy medalje ari dhe një argjendi në Kampionatin Botëror).
Mesazhi
Pata fatin të ndaj 24 orët e fundit të jetës me mamanë time të dashur. Ishte nder dhe privilegj ta shoqëroja në udhëtimet e saj të fundit. Të dëshmosh dashurinë dhe respektin e treguar nga kaq shumë në këto udhëtime ka qenë e pabesueshme dhe emocionuese. Do të ndajmë të gjitha kujtimet e saj unike. Falenderoj të gjithë ata që ndajnë ndjenjën tonë të humbjes. Ndoshta na është kujtuar se sa e kemi marrë të mirëqenë praninë dhe kontributin e saj në identitetin tonë kombëtar. Unë jam gjithashtu shumë mirënjohëse për mbështetjen dhe mirëkuptimin e ofruar ndaj vëllait tim të dashur Charles pasi ai pranon përgjegjësitë për t’u bërë Mbret. Për nënën time, Mbretëreshën, faleminderit.
Kush është Anna, fëmija i dytë i Mbretëreshës?
E lindur në Londër në vitin 1950, Anna është vajza e vetme e Mbretëreshës Elizabeth dhe Princit Philip. Pas ngjitjes së nënës së saj në fron, ajo merr titullin aktual të lartësisë mbretërore. Që në moshë të re vazhdoi pasionin e saj për kalërimin, sport të cilin e ushtroi në nivel garash, duke marrë disa çmime të rëndësishme, duke përfshirë dy medalje të arta dhe një të argjendtë në kampionatin botëror. Talenti i saj e bën atë të jetë anëtarja e parë e familjes mbretërore angleze që merr pjesë në Lojërat Olimpike. Në vitet 1970, ajo shkaktoi një diskutim rreth marrëdhënies me Andrew Parker Bowles, burri i parë i gruas aktuale të Princit Charles, Camilla.
Përgatiti O.T | Burimi fanpage.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
