Të jesh miku në të cilin mbështeten të gjithë mund të shndërrohet në një detyrë kërkuese, veçanërisht në vendin e punës. Për këtë, sugjerojnë studiuesit, menaxherët duhet t’u sigurojnë punonjësve mjete për të hartuar rrjetin e tyre të marrëdhënieve, në mënyrë që të shmangin mbingarkesën emocionale.
Miqësitë në vendin e punës përmirësojnë performancën e ekipit, por është e rëndësishme të jesh i vetëdijshëm për efektet e mundshme negative. Një studim i bërë nga katër studiues amerikanë mbi një kampion profesionistësh të punësuar në një kompani sigurimesh treguan se sa më miqësore të ishin marrëdhëniet midis kolegëve, aq më të mira ishin vlerësimet për punën e bërë. Por gjithashtu theksoi rrezikun e lodhjes emocionale që mund të përjetonte dikush.
“Menaxherët mund të ndërhyjnë në mënyrë aktive për të mbrojtur punonjësit nga efektet e dëmshme të rraskapitjes dhe vështirësia e mirëmbajtjes” së këtyre lidhjeve, shpjegojnë autorët e studimit, duke u propozuar vetë punonjësve mjete për hartimin e rrjeteve personale sociale. “Kjo – lexohet në dokument – mund të parandalojë që një punëtor individual të jetë qendra e rrjetit të miqësive të një organizate, duke bërë që në fund ai të ndjejë një mbingarkesës të shkaktuar nga numri i madh i njerëzve që mbështeten tek ai”.
Burimi / https://www.linkedin.com/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
