Ushqimi është burimi themelor i energjisë sonë dhe të gjitha vaktet e ditës luajnë një rol të barabartë për të na bërë të shëndetshëm dhe të fortë. Megjithatë, zakonisht hasim disa pretendime të caktuara që thonë se mëngjesi është një nga vaktet më të rëndësishme të ditës dhe duhet bërë përpjekje për të mos e lënë atë.
A e lini pa ngrënë mëngjesin tuaj sepse jeni gjithmonë në nxitim për të shkuar në punë? Apo nuk e keni zakon të hani diçka në mëngjes pasi nuk ndiheni të uritur? E pra, të gjithë ne mund të kemi arsye të ndryshme për të mos konsumuar vaktin tonë të parë të ditës. Nëse kjo është ajo që ju po bëni, është e rëndësishme që t’u hidhni një sy disa prej disavantazheve të mosngrënies së mëngjesit:
- I shkaktoni dëm metabolizmit
Ushqimi na siguron energji për të vazhduar ditën, por si mund të vazhdoni pa energji? Nëse nuk e ushqeni trupin tuaj me mëngjes ose vaktin e parë të ditës, si do të funksionojë metabolizmi juaj në mënyrë efektive gjatë ditës? Gjithashtu, konsumimi i një mëngjesi të shëndetshëm parandalon çrregullimet metabolike dhe ato të mëlçisë dhe ka studime shkencore që e vërtetojnë këtë.
- Mund t’ju bien flokët
Mëngjesi është në thelb vakti më i rëndësishëm i ditës, i cili gjithashtu ndihmon në rritjen e folikulës së flokëve. Nëse dëshironi flokë të shëndetshëm dhe me shkëlqim duhet të keni një mëngjes të shëndetshëm të pasur me proteina.
- Mund të shkaktojë migrenë
Nëse jeni të ndjeshëm ndaj dhimbjes së kokës, duke lënë mënjanë ushqimin tuaj të parë të ditës mund t’ju bëjë më të ndjeshëm ndaj migrenës. Kjo është për shkak se mosngrënia e ushqimit çon në nivele të ulëta të sheqerit në gjak, gjë që mund të rrisë presionin e gjakut si dhe të rrisë shanset për të pasur migrenë.
- Mund të ndikojë në funksionimin tuaj njohës
Ngrënia rregullisht e mëngjesit rrit funksionimin tuaj njohës, dhe e njëjta gjë është provuar në një studim shkencor, i cili zbuloi se njerëzit që konsumonin mëngjesin rregullisht kishin përmirësuar funksionimin njohës në krahasim me ata që nuk konsumonin rregullisht mëngjesin.
- Rrit rrezikun e kancerit
Mosngrënia rregullisht e mëngjesit mund t’ju bëjë të kërkoni kalori shtesë gjatë pjesës tjetër të ditës. Konsumi i vazhdueshëm i sasisë së kërkuar të kalorive nga trupi mund të çojë përfundimisht në shtimin e peshës ose obezitet. Obeziteti ju vë në rrezik të lartë për zhvillimin e sëmundjeve të tjera të rënda, dhe kanceri është një ndër këto sëmundje. Prandaj, nëse dëshironi të mbani larg kancerin, hani mëngjes çdo ditë!
- Nëse anashkaloni mëngjesin ndikon negativisht në energjinë dhe humorin tuaj
Nëse keni shmangur ngrënien e mëngjesit për ditë me radhë dhe vini re se sjellja juaj bëhet e çrregullt, jeni nervozë dhe niveli juaj i energjisë ulet, mund të gjeni shkakun tek moskonsumimi i këtij vakti. Kjo pasi nëse anashkaloni mëngjesin, mund të ketë një efekt negativ në nivelet pasuese të energjisë. Ekzistojnë prova shkencore që vërtetojnë se efektet e këqija të anashkalimit të mëngjesit tek njerëzit përfshijnë lodhjen dhe aftësitë e ngadalësuara për kujdes. Pra, herën tjetër kur të shihni se jeni pa humor dhe pa energji, kujtojuni vetëm nëse keni ngrënë apo jo mëngjes.
- Anashkalimi i mëngjesit mund të ndikojë në rritjen e peshës
A keni qenë duke fituar kilogramë kohët e fundit dhe pyesni veten se çfarë s’po shkon. Para se të arrini në ndonjë përfundim tjetër pyesni veten nëse keni ngrënë apo jo mëngjes rregullisht. Nëse kapërceni vaktin e mëngjesit mund të keni shtim në peshë. Kjo ndodh sepse kur nuk hani për një kohë më të gjatë, trupi juaj fillon të ketë dëshirë për ushqim yndyror dhe me sheqer. Gjithashtu, kur ju merr uria e papritur mund të hani gjithçka që ju del para, pa menduar dy herë për kaloritë që kanë dhe kjo mund t’ju bëjë të shtoni në peshë. Prandaj, kapërcimi i mëngjesit dhe obeziteti janë të lidhura ngushtë dhe nëse dëshironi të qëndroni në formë, konsumoni mëngjesin në kohë.
- Mund t’ju vërë në rrezik më të lartë për t’u prekur nga diabeti i tipit 2
Sipas një studimi, u vu re se njerëzit që nuk hanë mëngjes rregullisht kishin më shumë rrezik të prekeshin nga diabeti i tipit 2 në krahasim me njerëzit që konsumonin rregullisht mëngjesin. Pra, nëse në familje keni dikë me diabet dhe ju dëshironi të shmangni këtë sëmundje, hani mëngjesin tuaj rregullisht.
Pra, kapërcimi i mëngjesit ndikon në metabolizëm, rrit rrezikun e sëmundjeve të zemrës dhe mund t’ju sjellë rreziqe të tjera shëndetësore. Prandaj, hani gjithmonë mëngjesin dhe zvogëloni mundësinë për zhvillimin e ndërlikimeve të tilla shëndetësore.
Burimi / pernenat.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
